13 qaraşa künı Almaty oblysynyŋ Ūiǧyr audanynda şamamen 30 adam qatysqan rezonansty aksiia öttı. Jinalǧandar Qytai Halyq Respublikasynyŋ tuyn jäne QHR töraǧasy Si Szinpinnıŋ portretın örtep, osylaişa Qytaida qamauda otyrǧan Qazaqstan azamaty Alimnūr Tūrǧanbaidy bosatudy talap ettı. Oqiǧaǧa bailanysty arazdyq tudyru faktısı boiynşa qylmystyq ıs tırkeldı, dep habarlaidy "Adyrna".
Aita ketsek, Alimnūr Tūrǧanbai – Qytaidyŋ Ile qazaq avtonomiialyq okrugınıŋ tumasy. Ol 2017 jyly Qazaqstan azamattyǧyn alǧan.
2024 jyldyŋ jazynda Qytai şekara qyzmetı ony ūstap, sodan berı tört ai boiy ol tuystarymen bailanyspaǧan.
Otbasynyŋ aituynşa, Alimnūr Qytai azamattyǧynan resmi türde bas tartqan. Al Qazaqstan bilıgı onyŋ ūstaluyn qos azamattyqpen bailanystyruy mümkın ekenın habarlaǧan.
Tamyz aiynda Alimnūrdyŋ äielı men qyzy Almaty äkımdıgı aldynda prezident Qasym-Jomart Toqaevtyŋ atyna videoündeu jasap, Tūrǧanbaidy elge qaitaruǧa kömektesudı sūraǧan. Olar Qytai konsuldyǧy men SIM ökıldıgı aldynda bırneşe ret aksiia ötkızgen, sol üşın bırneşe ret polisiiaǧa jetkızılıp, aiyppūl salynǧan.
Keşe Ūiǧyr audanynda şamamen 30 adam jinalyp, qazaq jäne qytai tılderınde ündeu jasap, Qytaidyŋ tuy men Si Szinpinnıŋ portretın örtedı.
Qatysuşylardyŋ bırı:
«Alimnūr tört aidan berı sebepsız qamauda. Bız ony bosatqanşa äreketımızdı toqtatpaimyz», – dese, taǧy bırı «Qytailar bızdıŋ bauyrlarymyzdy lagerge qamap otyr» dep mälımdedı.
Oqiǧa ornyna der kezınde jetken polisiia topty taratyp, qatysuşylardy ūstady.
"Materialdardy sotta qarau qorytyndysy boiynşa 12 azamat QR ÄQBtK-nıŋ 434-baby boiynşa äkımşılık jauapkerşılıkke tartylyp, 15 täulıkke deiıngı merzımge äkımşılık qamauǧa alyndy.
Sonymen qatar, taǧy 6 qatysuşyǧa 20 AEK mölşerınde aiyppūl salyndy", – delıngen resmi habarlamada.
Qazır būl oqiǧa boiynşa qajettı tergeu äreketterı jalǧasyp jatyr.
Polisiia memlekettık rämızderge qol sūǧu, arazdyq tudyru jäne qoǧamdyq qauıpsızdıktı būzuǧa baǧyttalǧan kez kelgen äreket — zaŋnyŋ öreskel būzyluy ekenın eskertıp, mūndai faktılerdıŋ qataŋ zaŋ tärtıbımen dereu toqtatylatynyn mälımdedı.
