Foto: BORT1
Qazaqstan Prezidentı Qasym-Jomart Toqaevqa tiesılı erekşe aqalteke jylqysynyŋ beinelerı şeteldık borttyq basylymdarda jaryq kördı. Būl turaly Kazinform agenttıgı jazdy, dep habarlaidy “Adyrna”.
2026 jylǧy mamyr aiynda Reseidıŋ «Rossiia» äue kompaniiasynyŋ borttyq jurnalynda «Ūly dalanyŋ aspan tūlpary» atty maqala jariialandy. Onda Qazaqstan Prezidentıne syiǧa tartylǧan aqalteke tūqymdy bie turaly baiandalady. Aqjan degen ataudy oǧan Memleket basşysynyŋ özı bergen.
Osyǧan ūqsas «dala qanattary» jaily äserlı maqala Qytaidyŋ «Wings of China» borttyq jurnalynda da jaryq kördı.
Foto: kazinform
Soŋǧy jyldary Qazaqstannyŋ simvoldary şeteldık basylymdardyŋ nazaryn jiı audaryp keledı. Mūndai maqalalardyŋ halyqaralyq äue kompaniialarynyŋ borttyq jurnaldarynda jariialanuy qazaqstandyq mädeni diplomatiiany nasihattauǧa yqpal etedı. Borttyq baspasöz ısker adamdar men turisterden tūratyn keŋ auditoriiany qamtyp, jolauşylarǧa ūşu barysynda Qazaqstanmen tanysuǧa mümkındık beredı.
Bügınde tanymal bola bastaǧan Aqjan beinesı tek şetelde ǧana emes, Qazaqstandy halyqaralyq äue tasymaly naryǧynda tanystyratyn basylymdarda da sūranysqa ie. Mäselen, ol turaly maqalany Air Astana äue kompaniiasynyŋ Tengri jurnalynan da kezdestıruge bolady. Būl jurnaldyŋ taralu erekşelıgın eskersek, qazaq tūlparynyŋ tarihymen eŋ aldymen halyqaralyq baǧyttarda ūşatyn jolauşylar tanysady.
Jariialanymdardyŋ basty keiıpkerı Aqjan — taza qandy aqalteke tūqymynyŋ ökılı. Maqala avtorlary aqyldy ärı aibyndy jylqynyŋ Qazaqstan Respublikasynyŋ Prezidentı Qasym-Jomart Toqaevtyŋ süiıktı tūlpary ekenın erekşe atap ötedı. Şeteldık jurnaldar Aqjannyŋ bıregei bolmysyn süisıne sipattaidy. Ol — taza qandy aqaltekeler Ganatly men Tabystyŋ tölı. Jylqynyŋ esımı qazaq tılınen audarǧanda «Taza jan» degen maǧynany bıldıredı.
Maqalalarda onyŋ sirek tüsıne de airyqşa nazar audarylǧan. Aqjan izabella (krem tüstes) mastke jatady. Mūndai tüs älemdegı aqalteke jylqylarynyŋ nebärı 3 paiyzynda ǧana kezdesedı.
“Onyŋ jünı erekşe optikalyq äserge ie: jıŋışke talşyqtary jaryqty şaǧylystyryp, atlas sekıldı, tıptı tylsym jarqyl beredı”, — dep jazylǧan jariialanymda.
Avtorlar dala mädenietınde izabella tüstı tūlpar ejelden jaqsylyqtyŋ, baq pen berekenıŋ nyşany sanalǧanyn da atap ötedı.
