Qasym-Jomart Toqaev Pýtınmen kezdesýinde Reseıge qandaı maqsatpen kelgenin aıtty, dep jazady “Adyrna” ulttyq portaly.
“Qazaqstan úshin Reseı Federaııasy negizgi strategııalyq seriktes memleket bolady jáne solaı bolyp qala beredi. Bizdi túrli saladaǵy tereń qarym-qatynastar baılanystyrady. Siz Óńiraralyq yntymaqtastyq forýmynyń kezekti otyrysyn meńzedińiz. Bul joly ol Orynborda ótip jatyr. Meniń topshylaýymsha, qarym-qatynasymyzdy ári qaraı jyljytýǵa salmaqty negizder bar. Elderimiz arasyndaǵy saýda kólemi pandemııamen baılanysty búkil qıyndyqtarǵa qaramastan 24 mlrd dollarǵa jetti. Reseı kapıtalynyń bizdiń elimizge baǵyttalýyna qatysty úlken josparymyz bar. Men Memleket basshysy retinde jáne bizdiń Úkimetimiz ózara tıimdi sharttar negizinde Reseı kapıtaly Qazaqstanda turaqty jumys isteýi úshin qolymyzdan kelgenniń bárin jasaımyz. Áriptestik ornatylǵan salalardyń bárin tizbelep ataýdyń qajeti joq dep oılaımyn. Eki el arasyndaǵy yntymaqtastyqtyń damý deńgeıine kóńilimiz tolady deýge negiz bar. Deı turǵanmen, árdaıym alǵa qarap, bet túzeýimiz kerek. Bul jerge dál osy maqsatpen kelip otyrmyn», - dedi Toqaev.
“Adyrna” ulttyq portaly
