Foto: Bes.media
Astanada Ekınşı düniejüzılık soǧys jyldarynda Fransiiadaǧy Qarsylasu qozǧalysyna qatysqan bes qazaqstandyq jauyngerge qaitys bolǧannan keiın memlekettık marapattar tabystaldy. Is-şara turaly BES.media jazdy, dep habarlaidy “Adyrna”.
Marapattardy Qazaqstandaǧy Fransiia Respublikasynyŋ elşısı Silvan Gioge marqūmdardyŋ tuystaryna tabys ettı. Räsım Şarl de Goll eskertkışı janynda öttı. Oǧan Qorǧanys ministrlıgınıŋ ökılderı men qaza tapqan jauyngerlerdıŋ otbasylary qatysty.
Qaitys bolǧannan keiın marapattalǧandar qatarynda Bektemır Baijanov, Nūranbai Baimūratov, Ahmet Bektaev, Öteleu Bisenǧaliev jäne Ahmet Sūbalov bar.
Saltanatty şara barysynda qatysuşylar Şarl de Goll eskertkışıne gül şoqtaryn qoiyp, erlıkpen qaza tapqan jauyngerlerdı eske aldy.
Äskeri-tarihi muzeidıŋ jetekşısı Daulet Qadyrovtyŋ aituynşa, ötken jyly da Fransiia tarapy üş qazaqstandyq partizanǧa marapat tapsyrǧan bolatyn.
Qazaqstandyq jauyngerlerdıŋ Fransiiadaǧy Qarsylasu qozǧalysyna qatysuy turaly derekterdı tarihşy Gülnar Mendıqūlova anyqtaǧan. Ol Ekınşı düniejüzılık soǧysqa qatysqan qazaqstandyqtardyŋ taǧdyryn zerttep keledı.
Syrtqy ıster ministrlıgınıŋ mälımetıne säikes, zertteu barysynda fransuz Qarsylasu qozǧalysynda soǧysqan jetı qazaqstandyq turaly qūjattar tabylǧan. Sondai-aq Fransiiadaǧy Chambière äskeri ziratynda jerlengen 20-dan astam qazaqstandyq jönınde de mälımetter anyqtalǧan.
