Qazaqstan Halyq partiiasy sailaualdy baǧdarlamasy men kandidattar tızımın bekıttı.
Elordada Qazaqstan Halyq partiiasynyŋ (QHP) kezekten tys HHV sezı öttı. Būl – Qazaqstan Respublikasynyŋ jaŋa Konstitusiiasy küşıne engennen keiıngı partiialyq bırlestıktıŋ alǧaşqy sezı. Auqymdy forumnyŋ basty qorytyndysy 2026 jylǧy 23 tamyzǧa taǧaiyndalǧan Qūryltai deputattarynyŋ sailauyna arnalǧan sailaualdy saiasi baǧdarlamany resmi türde bekıtu, 72 kandidattan tūratyn partiialyq tızımdı maqūldau, sondai-aq Saiasi keŋestıŋ jaŋa qūramyn sailau boldy.
Eldıŋ barlyq öŋırlerınen kelgen delegattar aldynda Qazaqstan Halyq partiiasynyŋ töraǧasy Nūrsūltan Şoqanov baǧdarlamalyq baiandama jasady. Öz sözınde ol ädıl saiasatty ūlttyq dombyramen teŋestırdı: dombyrada jalǧan oinau mümkın emes, öitkenı halyq jalǧandyqty bırden sezedı.
– Halqymyz üşın jaŋa kezeŋ bastaldy. Jaŋa Konstitusiia qabyldanady. Būl qūjat bügın de, bolaşaqta da halyqqa qyzmet eteuı tiıs. Oǧan bızdıŋ partiianyŋ qosqan ülesı zor. Bügın Qazaqstan Halyq partiiasy üşın tarihi kün. Bız partiianyŋ strategiialyq baǧdarlamasyn bekıtemız. Osy baǧytta eŋbek etetın myqty kandidattardy ūsynamyz.
QHP töraǧasy partiianyŋ ūstanymy özgerıssız qalatynyn atap öttı: Qazaqstannyŋ tabiǧi bailyǧy, eŋ aldymen, onyŋ azamattarynyŋ äl-auqatyna jūmys ısteuı kerek. QHP üşın äleumettık basymdyqtar – esep berudıŋ qūrǧaq tarmaqtary emes, naqty ıstermen däleldengen kündelıktı praktikalyq jūmys. Būǧan su tasqyny zardaptaryn joiu, analardy qoldau, erekşe balalary bar otbasylarǧa kömektesu jäne eŋbek adamynyŋ qūqyqtary üşın qataŋ küres dälel bola alady.
Sezde tanystyrylǧan sailaualdy platforma delegattar men käsıbi qoǧamdastyq tarapynan ülken qoldauǧa ie boldy. Baǧdarlamany talqylau blogynda tanymal sarapşy-praktikter söz söiledı. Bılım beru salasynyŋ mamany Leilä Külenova baǧdarlamanyŋ mektepke deiıngı jäne mekteptegı bılım beruge basa nazar audaruy – eldıŋ ärbır qiyrdaǧy auyly men audan ortalyǧyndaǧy naqty jaǧdaiǧa negızdelgen öte quatty strategiialyq qadam ekenın mälımdedı. QR Eŋbek jäne halyqty äleumettık qorǧau ministrlıgı Zaŋ qyzmetı departamentınıŋ direktory Serık Berkamalov adam kapitaly men eŋbek adamyn qorǧau mäselesı QHP-nyŋ jaŋartylǧan platformasynyŋ negızıne ainalǧanyn atap öttı. Sondai-aq, baǧdarlamany qoldap Qalel Maqsūtov söz söiledı.
72 kandidattan tūratyn partiialyq tızımnıŋ sapasyna erekşe män berıldı. Onyŋ qūramyna azamattardyŋ müddelerın aşyq qorǧauǧa daiyn, öz salasynyŋ bılıktı mamandary: zaŋgerler, ekonomister, mūǧalımder, därıgerler, sondai-aq bedeldı qoǧamdyq pıkır köşbasşylary kırdı. Mınberden tanymal qoǧam qairatkerı İrina Smirnova men tanymal media tūlǧa Aşa Matai komandaǧa öz qoldauyn bıldırdı.
Sezd barysynda partiianyŋ Saiasi keŋesınıŋ qūramy tolyq jaŋartyldy, onyŋ strategiialyq mındetterın Elmira Äuezova, Läzzat Süleimenova jäne Baljan Dosmūhambetova tanystyrdy. Nūrsūltan Şoqanov ūrpaqtar sabaqtastyǧyna erekşe toqtalyp, körnektı memleket qairatkerı Ermūhamet Ertısbaevqa prinsipşıldıgı, qaisar mınezı jäne bıregei saiasi mektep qalyptastyrǧany üşın tereŋ alǧysyn bıldırdı.
Sezdıŋ soŋynda Venera Nigmatullina men Tamara Asardyŋ baǧdarlamalyq ündeulerı tyŋdaldy. Osynau maŋyzdy oqiǧanyŋ qorytyndysyn partiia basşysy tüiındep, delegattardy enjarlyqty jeŋuge, är üige jetuge jäne Halyq partiiasynyŋ Qazaqstan azamattarynyŋ senımıne laiyq ekenın ıspen däleldeuge şaqyrdy.
