Almaty oblysy men Almaty bilıgı megapolistı jeŋıldetu üşın bırqatar joǧary oqu oryndaryn Qonaevqa beru mäselesın qarastyryp jatyr. Almaty oblysy äkımınıŋ orynbasary Arslan Dändıbaev studentterdıŋ öndırıstık täjıribeden ötuıne mümkındıkter jasalatynyn atap öttı, dep habarlaidy “Adyrna” ūlttyq portaly.
“Bızdıŋ oiymyz – universitetterdı köşıru, qosymşa bılıktılık beretın jüienı ūiymdastyru üşın jaqsy kampustar salu qajet. Sonda studentter jarty kün emın-erkın oqi alady, qalǧan jarty künde öndırıste jūmys ıstei alady. Bolaşaqta bız orta tehnikalyq bılımdı damytuǧa basa nazar audaratyn bolamyz. Bızde injenerler, santehnikter men şeberdı tabu qiyn”, – dedı Dändıbaev.Odan bölek, ol studentterdıŋ oquy men täjıribesı qalai ūştasatynyna da toqtaldy.
“Kırpış zauytyn salamyz, jalpy ülken qūrylys alaŋy bolady. Qazır Almatydan öndırıstı, industrialdy aimaqtardy şyǧaruǧa tyrysyp jatyrmyz. Qalany jeŋıldetuge kömek beru kerek. Al tūrǧyndardy tūraqtandyrudy qolǧa alu kerek. Osy qalada tūryp, jūmys ısteuge qolaily jaǧdai jasau qajet”, – dedı Dändıbaev.Onyŋ aituynşa, Almatyda ömır men baspananyŋ aimaqqa qaraǧanda äldeqaida qymbat ekenın eskersek, joǧary oqu oryndary men kolledjderdıŋ öŋırge köşırıluı de oŋ äleumettık nätije beruı tiıs. Būǧan deiın Almatyda «Soltüstık», «Batys», «Oŋtüstık-Batys», «Şyǧys qaqpasy» jäne «Tarihi ortalyq» atauymen bes poliortalyq paida bolatyny belgılı bolǧan. Olarda qala halqynyŋ köp bölıgı tūrady dep boljanuda.
”Adyrna” ūlttyq portaly
Ūqsas jaŋalyqtar
