Qaraǧandy oblysynda «Aşyq polisiia» aksiiasy ötıp, öŋırdıŋ jas buyny qūqyq qorǧau organdarynyŋ kündelıktı qyzmetımen jaqynyraq tanysuǧa mümkındık aldy.
Oblys ortalyǧynda ıs-şara Qaraǧandy qalalyq polisiia basqarmasynda ūiymdastyryldy. Ony Qazybek bi atyndaǧy audan prokuraturasy ötkızdı. Aksiiaǧa studentter men mektep oquşylary qatysyp, polisiia jūmysynyŋ ışkı qūrylymymen jäne qyzmet barysymen tanysty.
– Kämeletke tolmaǧandar arasynda qūqyqtyq sauattylyqty arttyru jäne qūqyq būzuşylyqtardyŋ aldyn alu maqsatynda audan prokuraturasy polisiia organdarynda aşyq esık künın ūiymdastyrdy. Negızgı mındet – jasöspırımderge zaŋ talaptaryn būzudyŋ qandai saldarǧa äkeletının közben körsetıp, naqty tüsındıru. Is-şara aiasynda arnaiy ekskursiia ūiymdastyryldy. Studentter men oquşylar polisiia bölımşelerın, uaqytşa ūstau izoliatoryn, sondai-aq qabyldau-taratu ornyn aralap kördı, – dedı Qazybek bi atyndaǧy audan prokuraturasynyŋ bölım prokurory Gülsara Kerımjanova.
Is-şara barysynda jas qatysuşylarǧa polisiia qyzmetınıŋ kündelıktı tynys-tırşılıgı, bölımşelerdıŋ atqaratyn mındetterı jäne qūqyq būzuşylyqtardyŋ aldyn alu men olarmen jūmys ısteu erekşelıkterı jan-jaqty tüsındırıldı.
Aksiia aşyq dialog formatynda ötıp, jastar özderın tolǧandyrǧan sūraqtaryn qoiyp, qūqyqtyq taqyryptar boiynşa naqty ärı mazmūndy jauaptar aldy.
Sonymen qatar qala tūrǧyndarymen de kezdesu ūiymdastyrylyp, azamattar qūqyqtyq mäseleler boiynşa keŋes alyp, qūqyq qorǧau organdarynyŋ qyzmetın jetıldıruge qatysty öz ūsynystaryn bıldıruge mümkındık aldy.
Basty maqsat – halyqtyŋ qūqyqtyq sauattylyǧyn arttyru jäne qūqyq qorǧau organdaryna degen senımdı nyǧaitu.
Saran qalasynda «Aşyq polisiia» aksiiasymen qatar mektep oquşylaryna arnalǧan ziiatkerlık kviz de ötkızıldı. Qalalyq mädeniet üiınde zaŋ men ädılettı qoǧam taqyryptaryna arnalǧan kıtap körmelerı ūiymdastyrylyp, al kviz barysynda qatysuşylar qūqyq, tarih jäne zaŋnama salalaryndaǧy bılımderın synǧa saldy.
Jetı kezeŋnen tūrǧan oiyn oquşylardan tek bılımdı ǧana emes, logikalyq oilau qabıletı men jyldam şeşım qabyldaudy da talap ettı.
Barlyq komandalarǧa alǧys hattar tabystalyp, al jeŋımpazdar men jüldegerler diplomdarmen jäne estelık syilyqtarmen marapattaldy.
Mūndai igı bastamalar qūqyq qorǧau organdarynyŋ qyzmetın qoǧam üşın barynşa aşyq, tüsınıktı ärı qoljetımdı etuge baǧyttalǧan.
