Qaraǧandy oblysynda balalar ulandy. Olardyŋ bıreuı qaitys boldy, al altauy jansaqtau bölımınde jatyr. Balalardyŋ neden ulanǧany anyqtalǧan joq. Alǧaşqy tekseru kezınde Qaraǧandy oblysyndaǧy balalarǧa arnauly äleumettık qyzmet körsetu ortalyǧynda jetkınşekter tamaqtan ulanbaǧany aityldy, dep habarlaidy "Adyrna" ūlttyq portaly.
Ortalyqta bolǧan balalardyŋ neden ulanǧany anyqtalmaǧany jaily Densaulyq saqtau vise-ministrı Aijan Esmaǧambetova aitty.
«Keşe bızge Qaraǧandyda balalarǧa arnalǧan medisinalyq-äleumettık mekemeden 12 balanyŋ auruhanaǧa tüskenı turaly aqparat keldı. Būl 12 balaǧa qazır belgısız zattan ulanu diagnozy qoiylyp otyr, iaǧni ulanudyŋ naqty sebebı belgısız. Ony anyqtauǧa uaqyt kerek», - dedı A. Esmaǧambetova Ükımette tılşıler sūraǧyna jauap bere otyryp.Onyŋ aituynşa, 12 balanyŋ arasynda bıreuı köz jūmdy. Alty bala jansaqtau bölımınde, bes balanyŋ jaǧdaiy ortaşa auyr.
«Sebeptı anyqtau üşın uaqyt qajet. 30 şılde keşke qarai balalar auruhanaǧa tüstı, qalǧandary 31 şıldede kele bastady. Būǧan deiın tamaqtan ulanǧan degen küdık bolǧanymen, bastapqy tekseru kezınde tamaqtan ulanuǧa eş qatysy joq ekenı anyqtaldy», - dedı vise-ministr.Būdan būryn habarlanǧandai, Qaraǧandy oblysynyŋ balalarǧa arnauly äleumettık qyzmet körsetu ortalyǧynda balalardyŋ jappai ulanǧany belgılı boldy. Oqiǧa ornyna Densaulyq saqtau ministrı Ajar Ǧiniiattyŋ attanǧany habarlanady.
"Adyrna" ūlttyq portaly
Ūqsas jaŋalyqtar
