Túrkistan oblysynda ákim orynbasary 13 jastaǵy qyzdy zorlamaq bolǵan kúdiktini ustady, dep habarlaıdy “Adyrna” ulttyq portaly.
Jasóspirim qyz otbasymen birge keshki serýenge shyqqan. Qyz úıine erterek barmaq bolyp, ata-anasynan buryn ketip qalǵan. Osy sátte úıine jalǵyz qaıtyp bara jatqan jasóspirim qyzdyń sońyna belgisiz er adam túsken.
Shashynan tartyp, shetke qaraı alyp shyqqan. Onymen qoımaı betinen shapalaqpen uryp, jerge qulatqan. Aram oıly adamnyń qolyna túskenin sezgen qyz birden aıqaılaǵan. Al kúdikti onyń aýzyn jaýyp, qylqyndyryp, barynsha óz degenine jetýge asyqqan.
Osy kezde eki adamnyń arpalysyp jatqan beınesin aýyl ákiminiń orynbasary Súıindik Seıitjapparuly baıqap, birden kómekke umtylǵan. Júgirip kele jatqan adamdy kórgen kúdikti qasha jónelgen.
Er adam 20 jylǵa túrmege toǵytylýy nemese ómir boıyna bas bostandyǵynan aıyrylýy múmkin.
