İran men AQŞ arasyndaǧy äskeri şielenıs qaita uşyǧuy mümkın ekenı aityldy, dep habarlaidy "Adyrna" ūlttyq portaly Fars agenttıgıne sıltep.
Būl turaly İran qaruly küşterı ortalyq ştaby basşysynyŋ orynbasary general Mohammad Djafar Asadi mälımdegen.
Generaldyŋ aituynşa, beibıt kelıssözder tyǧyryqqa tırelse, ekı el arasyndaǧy qaqtyǧystyŋ qaita bastalu yqtimaldyǧy bar. Ol AQŞ tarapy kelısımderdı tolyq oryndamai otyr dep sanaidy.
Asadi İran qaruly küşterı kez kelgen yqtimal arandatuşylyqqa tolyq daiyn ekenın atap öttı.
Al būǧan deiın AQŞ prezidentı Donald Tramp İran tarapynan berılgen ūsynystarǧa köŋılı tolmaitynyn bıldırgen. Onyŋ aituynşa, kelıssözderde ışkı kelıspeuşılıkter bar, būl mämılege kelu prosesın qiyndatyp otyr. Aqparat közderıne säikes, İran tarapy Ormūz būǧazynda erkın keme qatynasyn qamtamasyz etu jäne atysty ūzartu siiaqty ūsynystar engızgen. Alaida iadrolyq baǧdarlamaǧa qatysty negızgı mäseleler keiınge qaldyrylǧan.
Sonymen qatar, AQŞ Ortalyq qolbasşylyǧy İranǧa qarsy yqtimal soqqy josparyn äzırlegenı turaly mälımet taraǧan. Degenmen tüpkılıktı şeşım qabyldanbaǧan.
Soŋǧy kelıssözder säuır aiynda ötkenımen, taraptar arasyndaǧy iadrolyq baǧdarlamaǧa qatysty kelıspeuşılıkter älı de saqtalyp otyr.
