Solüstık Qazaqstan oblysynda İrannan qonys audarǧan qandastardyŋ köşke köŋılderı tolmaidy. Olar äkımdık bergen jaŋa üilerdıŋ sapasyna şaǧymdanyp otyr. Būl turaly “Adyrna” ūlttyq portaly 31 arnanyŋ “İnformbiuro” jaŋalyqtar baǧdarlamasyna sılteme jasa habarlaidy.
İrannan Şal aqyn audanyna köşıp kelgen Hamit Şadkam bır ai būryn berılgen baspanasynyŋ sögılgen qabyrǧasynan üiım bır künı opyrylyp ortasyna tüse me dep qorqady. Aituynşa, terezelerı dūrys jabylmaitydyqtan suyq jel keledı.
Sondyqtan, sapasyz salynǧan üige Maŋǧystau oblysynda qalǧan otbasyn köşıruge qorqyp otyr. Öitkenı üidıŋ bölmearalyq qabyrǧalary gipsokartonnan salynǧan. Esıgınıŋ jaqtaulary jūlynyp tüsıp jatyr. Odan bölek, edennen de, töbeden de suyq soǧyp tūratynyn aitady.
Olar qūrylys jūmystary soŋyna deiın bıtpegen üige nege köşırgenın bılmeimız deidı. Sözderınşe, jauaptylar üiıp bergen uädelerın oryndamaǧan. Bır aidyŋ ışınde bırde-bıreuı tūraqty jūmysqa ornalasa almaǧan. Sondyqtan ışerge tamaq tappai qinalyp jürmız deidı. Onyŋ üstıne bärıne bırdei köterme aqy berılmeidı deptı.
Audan äkımınıŋ orynbasary olarǧa eşkım eşqandai uäde bermegenın aitady. Kerısınşe, qandastarǧa qara jūmys ūsyndyq, özderı bas tartty deidı. Al köterme aqy endı tek joǧary, ne orta arnauly diplomy bar azamattarǧa ǧana tölenetının kesıp aitty.
“204 myŋ teŋge adam basyna otaǧasyna berıledı. Eŋ basty talap bılımı bolu kerek. Eger diplom bolmasa, olarǧa kvota berılmeidı”, – deidı Şal aqyn audany äkımınıŋ orynbasary Arman Düisenbinov
Audandyq TÜKŞ bölımınıŋ basşysy salynǧan üidıŋ sapasy, baǧasyna sai dep esepteidı. Al qandastar körsetken olqylyqtar jönsız deidı. İrannan kelgen qandastar jauaptylar üiıp tögıp bergen uädelerın oryndamasa, bärımız keiın qaitamyz deidı.
”Adyrna” ūlttyq portaly
