Keşe qazaqstandyqtar ardager jurnalist Nūrtıleu İmanǧaliūlyn aqtyq saparǧa şyǧaryp saldy. Ūlttyq jurnalistikanyŋ damuyna sübelı üles qosqan azamat 70 jasqa qaraǧan şaǧynda ömırden ozǧan edı, - dep habarlaidy "Adyrna" ūlttyq portaly Almaty.tv arnasyna sılteme jasap.
Qazaq televiziiasynyŋ qara naryndai dara tūlǧanyŋ qazasy körermen qauymnyŋ, qazaq jūrtynyŋ qabyrǧasyn qaiystyryp ketkenı ras. Elıne bailyq pen quat tılegen arda azamat el jadynan öşpek emes.
"Sanaly ǧūmyrynyŋ ülken bölıgın qazaq telejurnalistikasyna arnaǧan qazaqtyŋ ardaqty perzentı, bızdıŋ qadırlı, qasterlı, qadırmendı dosymyz Nūrtıleu İmanǧaliūlynan aiyrylyp otyrmyz. Būl qazaq telejurnalistikasy üşın öte ülken qaza", - dedı jurnalist, Nūrtıleu İmanǧaliūlynyŋ dosy Marat Toqaşbaev."Şyndyǧynda Nūrtıleu eş uaqytta ūmytylmaidy. Onyŋ jasaǧan eŋbegı mäŋgılık jasaidy. Äsırese, qazaq telearnasynyŋ, ūlttyq arnanyŋ arhivınde saqtauly bolyp, keiıngı ūrpaqqa ary qarai jalǧasyp jatatyny sözsız", - dedı Nūrtıleu İmanǧaliūlynyŋ dosy Saparbai Toilybai
"Şeşen söilese, qara sözdıŋ qaimaǧyn aitady. Kösem söilese, toqsan auyz sözdıŋ tobyqtai tüiının, bailamyn aitady. Al, men sekıldı jurnalist söilese, tılınıŋ ūşyndaǧy emes, köŋılınıŋ, jüregınıŋ tūsyndaǧy, oidaǧyny aitady".İä, Nūrtıleu İmanǧaliūly köŋıl kögındegı, jürek tūsyndaǧy oiyn aşyq aitty. Ot mınezdı, oraq tıldı ardager eldegını de, tördegını de oilandyrarlyqtai mändı söileitıNūrtıleu Bır sūqbatynda: "Özımdı tanytqan jurnalistikaǧa talmai eŋbek etsem, menen baqytty adam joq", - dedı. 22 jasynda otandyq televiziianyŋ tabaldyryǧyn attap, bar ǧūmyryn bır mamandyqqa arnaǧan azamat qazaq jurnalistikasynyŋ korifeiı, metrıne ainaldy.
"Tek qazaq televiziiasynyŋ emes, bükıl qazaq jurnalistikasynyŋ bütın bır däuırı, epohasy ötıp bara jatqandai sezımdemız. Qimai tūrmyz. Artynda qalǧan bala-şaǧa aman bolsyNūrtıleu Özı aityp ketkendei bai-quatty bolsyn elımız", - dedı aqyn Aqberen Elgezek."Ekrandaǧy sūlbasyn halyq süidı, sol arqyly qanattandy. Ärbır onyŋ habary aqiqatqa, şyndyqqa jeteleitının kördı. Sondyqtan da, mynau Nūrtıleu aǧamyzdyŋ bügıngı qazasy tek qana otbasy men bala-şaǧasyna ǧana emes, bükıl qazaq elınıŋ qabyrǧasyn qaiystyryp otyr. Jany jannatta, imany joldasy bolsyn!" - dedı şäkırtı Nūrdıldä Oraz. "Bastaityn top ışınde sözıŋ dara, Törıŋe maldas qūrsyn tözım ǧana. Sen barda myna bız de "bai-quatty" Bız barda "bai-quatty" özıŋ de, aǧa!". Aqyn Ǧalym Jailybaidyŋ osy jyr joly ını bolǧan, aǧalyq aqyl tyŋdaǧan bar qauymnyŋ ızgı nietı edı. Qazaq jurnalistikasy taǧy bır tarlanbozynan airylǧanymen, onyŋ mol mūrasy, ülgı-önegesı ūrpaq jadynda jattalary sözsız.
Ūqsas jaŋalyqtar
