«Jaryq jürekte – nūrly älem» taqyrybynda tolyqtyru şarasy öttı

Jambyl oblystyq közı körmeitın jäne älsız köretın azamattar kıtaphanasynyŋ ūiymdastyruymen Qordai jäne Şu audandarynda «Tiflomuzei» jobasy aiasynda zaǧip jäne köru qabıletı tömen azamattarǧa arnalǧan tanymdyq tolyqtyru şaralary öttı. Atalǧan ıs-şaralar tarihi-mädeni mūralardy erekşe qajettılıgı bar azamattarǧa qoljetımdı etu, jädıgerlerdı qolmen ūstap sezınu arqyly tanym kökjiegın keŋeitu maqsatynda ūiymdastyryldy.
     
Qordai audanyndaǧy Kenen Äzırbaev atyndaǧy Qordai audandyq ädebi-memorialdyq muzeiı bazasynda «Qolyŋmen ūstap, jürekpen sezın!» tanymdyq būryşy boiynşa «Jaryq jürekte – nūrly älem» taqyrybynda tolyqtyru şarasy ötkızıldı. Şara barysynda qazaqtyŋ äigılı halyq aqyny, jyrau, änşı-kompozitory, Qazaqstannyŋ eŋbek sıŋırgen öner qairatkerı Kenen Äzırbaevtyŋ ömırı men şyǧarmaşylyǧyna arnalǧan jädıgerler tanystyryldy. Zaǧip oqyrmandar Kenen atanyŋ tūrmysta paidalanǧan jeke zattary men kiımderın qoldarymen ūstap tanysu mümkındıgıne ie bolsa, köru qabıletı tömen azamattar QR-kod arqyly smartfon kömegımen jädıgerler turaly tolyq aqparat aldy. Arnaiy 26 jädıgerge zamanaui ülgıdegı QR-kod engızılıp, mazmūndyq tolyqtyrular jasaldy.
   
  Sonymen qatar, Şu audandyq tarihi-ölketanu muzeiı men arnaiy kıtaphananyŋ bırlesuımen «Janarsyz da jaryq älem» taqyrybynda tolyqtyru şarasy ūiymdastyryldy. Is-şara aiasynda «Tiflomuzei» jobasynyŋ tarihi-tanymdyq būryşyna 20 QR-kod ornatylyp, keluşılerge tarihi jädıgerlerdıŋ mazmūny smartfon arqyly qoljetımdı boldy. Körmege kerosin şamy, şoq ütık, kübı, qobyz, pioner barabany, rubel, jügen sekıldı ūlttyq jäne tarihi qūndylyǧy joǧary būiymdar qoiylyp, olardyŋ tarihy jan-jaqty tanystyryldy.
     
Ekı şaranyŋ da basty maqsaty – ūlttyq tarihi-mädeni qūndylyqtardy nasihattau, muzei ekspozisiialaryna erekşe qajettılıgı bar azamattardyŋ erkın qol jetkızuıne jaǧdai jasau jäne estu, sezınu arqyly tanymdyq mümkındıkterın arttyru. Is-şara barysynda arnaiy kıtaphana qoryna kelıp tüsken ädebietterden ūiymdastyrylǧan «Kıtap – tarih ainasy, şejıre – ūrpaq mūrasy» atty kıtap körmesıne bibliografiialyq şolu jasalyp, oqyrmandarǧa keŋınen tanystyryldy.
     
Şara soŋynda kıtaphana oqyrmandary men muzei qonaqtary alǧan äserlerımen bölısıp, ūiymdastyruşylarǧa rizaşylyqtaryn bıldırdı.