Qazaqstandyq änşı Sadraddin Maŋǧystau oblysynda äskeri qyzmetşılerdıŋ qaza boluyna bailanysty Almatydaǧy konsertterın keiınge qaldyrdy, dep habarlaidy "Adyrna".
Būl turaly öner iesı äleumettık jelıdegı videoündeuınde aitty.
Būǧan deiın änşınıŋ Almaty qalasyndaǧy Ortalyq stadionda konsertterı 26 jäne 27 qyrküiekke josparlanǧan bolatyn. Endı konsertter bır künge şegerıldı.
Osyǧan säikes, 26 qyrküiektegı konsert 27 qyrküiekke, al 27 qyrküiektegı konsert 28 qyrküiekke auystyryldy.
Änşı Maŋǧystau oblysyndaǧy qaiǧyly oqiǧa saldarynan qaza tapqan äskeri qyzmetşılerdıŋ otbasy men jaqyndaryna köŋıl aitty.
«Osyndai auyr sätte qaza tapqandardyŋ otbasylaryna qūrmet bıldırıp, halqymmen bırge boludy maŋyzdy dep sanaimyn», – dedı Sadraddin.
Sondai-aq änşı qaza tapqan äskeri qyzmetşılerdıŋ otbasylaryna qarjylai kömek körsetudı josparlap otyrǧanyn jetkızdı.
Sadraddin konsertterdı ūiymdastyruǧa ülken şyǧarmaşylyq top pen serıktesterdıŋ bırneşe ai boiy daiyndalǧanyn atap ötıp, konsert künderınıŋ auysuyna tüsınıstıkpen qaraǧan körermender men ūiymdastyruşylarǧa alǧys bıldırdı.
