29 şılde künı keşkı saǧat 21:30 şamasynda Jambyl oblysy, Moiynqūm auylynda qaruly qaqtyǧys bolyp, tört adam jaraqat aldy, dep habarlaidy "Adyrna" ūlttyq portaly.
Būl turaly öŋırlık Polisiia departamentınıŋ baspasöz qyzmetı mälımdedı.
Aldyn ala mälımet boiynşa, jäbırlenuşıler travmatikalyq qarudan jaraqat alǧan. Oqiǧa ornyna jedel tergeu toby jıberılıp, qylmystyŋ män-jaiy anyqtala bastady.
Atalǧan fakt boiynşa QR Qylmystyq kodeksınıŋ 24-baby 3-bölıgı jäne 99-baby 2-bölıgı “Adam öltıruge oqtalu, ekı nemese odan da köp adamǧa qarsy, toptasyp, aldyn ala söz bailasu arqyly, būzaqylyq nietpen jasalǧan” boiynşa qylmystyq ıs qozǧaldy.
Polisiia mälımetınşe, küdıktılerdı anyqtau jäne ūstau maqsatynda jedel-ızdestıru şaralary jürgızılude. Oqiǧaǧa qatysty basqa aqparattar tergeu müddesıne bailanysty jariialanbai otyr.
“Qazır barlyq män-jai anyqtalyp jatyr. Qylmystyq-prosestık kodekstıŋ 201-babyna säikes, tergeuge kedergı keltırmeu maqsatynda özge mälımetter jariialauǧa jatpaidy”, – dep mälımdedı departamenttıŋ baspasöz qyzmetı.
