Atyrau oblysynda synyptastarynyŋ qolynan qaza bolǧan 27 jastaǧy jıgıttıŋ anasy ädıldık ızdeidı. Būl turaly Almaty.tv jariialady, dep habarlaidy “Adyrna” ūlttyq portaly.
Jylyoi audany, Şoqpartoǧai auylynyŋ tūrǧyny Aigül Qiyqova 13 tamyzda ūlyn jer qoinyna tapsyrdy. Kündız külkıden, tünde ūiqydan aiyrylǧan ana balamnyŋ öz synyptastarynyŋ qolynan qaza bolǧany qatty qynjyltady dep zar eŋırep otyr. Aituynşa, sol künı ūly dostarymen tuǧan kün keşıne ketken eken. Tıptı bır şarualarymen kömektespek bolyp taŋerteŋ erte şyǧypty. Üiıme erte qaitamyn degen balasyn ışımdıkke sylqiia toiyp alǧan synyptastary jıbergısı kelmei, aiausyz soqqyǧa jyqqanyn aitady.
«Ketıp bara jatqan jerınen Manas sen qaidan şyǧardyŋ dep, Nūrsūltandy ūrǧan sen de jönıŋe otyrmai, ne menıŋ tuǧan künımde sen kömek sūraityn kım edıŋ dep söitıp töbelesken. Sodan, Manas Salyqbai Nūrsūltandy ūrǧan, sodan keiın Ernardy ūrǧan. Sosyn ketıp bara jatqan menıŋ ūlymnyŋ qu jelkesınen qatty auyr zatpen ūrǧan. Ne tas, ne temır», – dedı marqūmnyŋ anasy Aigül Qiyqova.Oqiǧa ornyna jetken polisiia qyzmetkerlerı synyptastaryn bölımşege alyp ketken. Al ertesı tek bır küdıktı qalyp, qalǧany bostandyqqa jıberılıptı. Tergeuge alynǧandardyŋ aituynşa, basynan soqqy alǧan boida marqūm sol jerde qūlaǧan körınedı. Al saraptama qorytyndysy onyŋ bırneşe ret soqqy alǧanyn däleldegen.
«Qūlaqtan soqqan, jelkesınen soqqan, basynda soqqy köp deidı. Ony qūlaǧannan keiın taǧy soqqan siiaqty. Sonda bügıngı taŋda şölmekpen ūrǧan bala qamauda otyr da, al baǧanaǧy taspen ūryp öltırgen bala tasyn da, temırın de joq qylyp jıbergen. Ol bala bostandyqta jür jäne sony körgen 4 bala da bostandyqta jür», – dedı marqūmnyŋ anasy.Audandaǧy tergeuşılerge senbei, oblystyq polisiia departamentıne baryp ıstıŋ tolyqtai aşyluyn talap etken ana «jazyqsyzdar qamalyp, qylmys jasaǧandar jauapkerşılıkten jaltaryp ketpese eken» deidı. Ol sol tuǧan kün keşınde bolǧandardyŋ barlyǧynyŋ tolyq tergeuge ılıguın sūraidy. Al departament ökılderınıŋ aituynşa, tergeu barysynda älı talai özgerıs bolyp, jazaǧa tartylatyndar sany artuy mümkın.
«QK 106-baby, 3-bölıgı, iaǧni densaulyqqa qasaqana auyr ziian keltıru baby boiynşa tergeu amaldaryn jürgızılıp jatyr. 1995 jyly tuylǧan küdıktı qazır qamauda. Tiıstı saraptamalar taǧaiyndaldy. Özge aqpartty qazır Qylmystyq prosesstık kodekstıŋ 201-babyna säikes, tarata almaimyz. Küdıktılerdıŋ sany nemese özge de qylmysqa qatysty aqparttar tergeu barysynda özgeruı mümkın», – dedı polisiia departamentınıŋ baspasöz hatşysy Meiırım Erdäulet.
“Adyrna” ūlttyq portaly
Ūqsas jaŋalyqtar
