Atyraý oblysynda synyptastarynyń qolynan qaza bolǵan 27 jastaǵy jigittiń anasy ádildik izdeıdi. Bul týraly Almaty.tv jarııalady, dep habarlaıdy “Adyrna” ulttyq portaly.
Jylyoı aýdany, Shoqpartoǵaı aýylynyń turǵyny Aıgúl Qıyqova 13 tamyzda ulyn jer qoınyna tapsyrdy. Kúndiz kúlkiden, túnde uıqydan aıyrylǵan ana balamnyń óz synyptastarynyń qolynan qaza bolǵany qatty qynjyltady dep zar eńirep otyr. Aıtýynsha, sol kúni uly dostarymen týǵan kún keshine ketken eken. Tipti bir sharýalarymen kómektespek bolyp tańerteń erte shyǵypty. Úıime erte qaıtamyn degen balasyn ishimdikke sylqııa toıyp alǵan synyptastary jibergisi kelmeı, aıaýsyz soqqyǵa jyqqanyn aıtady.
«Ketip bara jatqan jerinen Manas sen qaıdan shyǵardyń dep, Nursultandy urǵan sen de jónińe otyrmaı, ne meniń týǵan kúnimde sen kómek suraıtyn kim ediń dep sóıtip tóbelesken. Sodan, Manas Salyqbaı Nursultandy urǵan, sodan keıin Ernardy urǵan. Sosyn ketip bara jatqan meniń ulymnyń qý jelkesinen qatty aýyr zatpen urǵan. Ne tas, ne temir», – dedi marqumnyń anasy Aıgúl Qıyqova.
Oqıǵa ornyna jetken polıııa qyzmetkerleri synyptastaryn bólimshege alyp ketken. Al ertesi tek bir kúdikti qalyp, qalǵany bostandyqqa jiberilipti. Tergeýge alynǵandardyń aıtýynsha, basynan soqqy alǵan boıda marqum sol jerde qulaǵan kórinedi. Al saraptama qorytyndysy onyń birneshe ret soqqy alǵanyn dáleldegen.
«Qulaqtan soqqan, jelkesinen soqqan, basynda soqqy kóp deıdi. Ony qulaǵannan keıin taǵy soqqan sııaqty. Sonda búgingi tańda shólmekpen urǵan bala qamaýda otyr da, al baǵanaǵy taspen uryp óltirgen bala tasyn da, temirin de joq qylyp jibergen. Ol bala bostandyqta júr jáne sony kórgen 4 bala da bostandyqta júr», – dedi marqumnyń anasy.
Aýdandaǵy tergeýshilerge senbeı, oblystyq polıııa departamentine baryp istiń tolyqtaı ashylýyn talap etken ana «jazyqsyzdar qamalyp, qylmys jasaǵandar jaýapkershilikten jaltaryp ketpese eken» deıdi. Ol sol týǵan kún keshinde bolǵandardyń barlyǵynyń tolyq tergeýge iligýin suraıdy. Al departament ókilderiniń aıtýynsha, tergeý barysynda áli talaı ózgeris bolyp, jazaǵa tartylatyndar sany artýy múmkin.
«QK 106-baby, 3-bóligi, ıaǵnı densaýlyqqa qasaqana aýyr zııan keltirý baby boıynsha tergeý amaldaryn júrgizilip jatyr. 1995 jyly týylǵan kúdikti qazir qamaýda. Tıisti saraptamalar taǵaıyndaldy. Ózge aqpartty qazir Qylmystyq proesstik kodekstiń 201-babyna sáıkes, tarata almaımyz. Kúdiktilerdiń sany nemese ózge de qylmysqa qatysty aqparttar tergeý barysynda ózgerýi múmkin», – dedi polıııa departamentiniń baspasóz hatshysy Meıirim Erdáýlet.
“Adyrna” ulttyq portaly
