5 synyp oquşysy Tūrman Amanjol halyqaralyq deŋgeide ötken robototehnika jarystarynda sättı öner körsetıp, Qazaqstannyŋ abyroiyn asqaqtatty. Ol 2026 jyldyŋ nauryz aiynda Singapurda ötken FIRST LEGO League Singapore 2026 chempionatyna qatysyp, 2-oryn ielenıp, jarys kubogynyŋ iegerı atandy, dep habarlaidy “Adyrna”.
Būǧan deiın jas önertapqyş “Central Asia FIRST Championship 2026” Aziia chempionatynda da jüldelı 3-oryndy jeŋıp alǧan. Būl nätije onyŋ komandasyna 2026 jyldyŋ tamyz aiynda Qytaidyŋ Beijıŋ qalasynda ötetın “FLL China Champion 2026” halyqaralyq turnirıne qatysuǧa mümkındık berdı. Aldaǧy dodada Amanjol taǧy da Qazaqstan atynan synǧa tüsedı.
Sonymen qatar, 2025 jyly Amanjol AQŞ-tyŋ Los-Andjeles qalasynda ötken XCEL halyqaralyq jeke jarysynda Pobotixcel baǧyty boiynşa 1-oryn ielenıp, joǧary deŋgeidegı daiyndyǧyn däleldegen.
Jas qatysuşynyŋ jetıstıkterı onyŋ robototehnika salasyna degen qyzyǧuşylyǧy men tabandylyǧynyŋ nätijesı. Mamandar mūndai jetıstıkter Qazaqstandaǧy jas buynnyŋ ǧylymi-tehnikalyq baǧytqa bet būryp kele jatqanyn körsetetının atap ötedı.
