9 ǧasyrlyq tarihy bar Aqbikeş mūnarasynyŋ bır bölıgı qirap qaldy. Būl turaly äleumettık jelıde qoǧam belsendısı Jylbek Kerımbek arnaiy jazba jariialaǧan, dep habarlaidy “Adyrna” ūlttyq portaly QazAqparatqa sıltep.
Aqparatqa säikes, Sozaq audanynda ornalasqan Aqbikeş mūnarasy HII-HIII ǧasyrlarda tūrǧyzylǧan. Orta ǧasyr eskertkışı biık qyr basynda, jel ötınde tūrǧanyna 6 ǧasyrdan astam uaqyt bolǧan. Degenmen, jaŋbyr men qar suyna şydas bermegen tarihi nysannyŋ bır bölıgı opyrylyp qaldy.
Qoǧam belsendısı Jylbek Kerımbek «qolda bar tarihi eskertkışten aiyryldyq» dep dabyl qaqty.
«Kezınde dabyl qaqtyq, sözımızge eşkım qūlaq aspady. Jauyn-şaşyn timeu üşın töbesıne şatyr jabu kerek dedık. Olai ıstemedı, jauǧan jaŋbyr, qar suy eskertkıştıŋ dual-qabyrǧasyna keulep kırıp, aqyry qūlatty. Būdan būryn da qūlaǧan. Är qūlaǧan saiyn ışkı öz sylaǧy men qyşty alyp tüsedı. Türkıstan oblysy, Sozaq audany, Aqsümbe auylyndaǧy «Aqbikeş» mūnarasyna jöndeu jūmystaryn «Qazqaitajaŋartu» RMK RGP Kazrestavrasiia mekemesı jasaǧan», - delıngen avtordyŋ jazbasynda.
Al, Qazaqstan Respublikasynyŋ Mädeniet qairatkerı Töreǧali Taşenov «mūnara jöndeusız tūra bergende 100 jylǧa şydas berer me edı?» degen pıkırımen bölıstı.
«Töbesın aşyq qaldyrǧandyqtan, jauǧan qar men sorǧalaǧan jaŋbyr qoia ma, aqyry mynau boldy. Syrtqy dualy jermen-jeksen qūlaǧanda ışındegı 6 ǧasyrǧa şydas bergen ǧajaiyp eskertkıştı, memleket qorǧauyndaǧy tarihi mūnarany özımen bırge qosa jūlyp alyp kettı. Sūmdyq. Sol boiy jöndeusız-aq tūra bergende, älı de 100 jylǧa şydas berer me edı?», - dedı Töreǧali Taşenov.
Mäselenıŋ män-jaiyn tüsındırmek bolǧan Sozaq audanynyŋ äkımdıgı tarihi jädıgerdıŋ qazırgı jaǧdaiy turaly oblystyq mädeniet basqarmasyna şūǧyl hat joldanǧanyn jetkızdı.
«Aqbikeş» mūnarasy QR Mädeniet jäne sport ministrlıgınıŋ respublikalyq därejedegı eskertkışter tızımıne engızılgen. «Aqbikeş» mūnarasyna 2020 jyly «Qazrestavrasiia» ǧylymi zertteu jäne jobalau memlekettık mekemesınıŋ Qyzylorda filialy tarapynan qalpyna keltıru jūmystary jürgızıldı. Tapsyrys beruşı — Qazaqstan Respublikasy mädeniet jäne aqparat ministrlıgı. 2025 jyldyŋ 25-26 qaŋtarda aua raiynyŋ qolaisyzdyǧyna bailanysty qar men jaŋbyrdyŋ saldarynan mūnaranyŋ bır şetı taǧy qūlaǧan. Tarihi jädıgerdıŋ qazırgı jaǧdaiy turaly der kezınde audan äkımı tarapynan oblystyq mädeniet basqarmasyna şūǧyl hat joldanǧan», - delıngen äkımdık aqparatynda.
