Ūlytau oblysynda Prezident bastamasymen jüzege asyrylyp jatqan «Taza Qazaqstan» ekologiialyq baǧdarlamasy aiasynda auqymdy ekologiialyq ıs-şara ūiymdastyryldy.
Is-şara Memleket basşysy Qasym-Jomart Toqaevtyŋ qatysuymen ötken respublikalyq teleköpırmen ūştasty.
Atalǧan teleköpırge Ūlytau oblysynyŋ äkımı Dastan Ryspekov Jezqazǧan qalasynyŋ ortalyǧynan tıkelei qosylyp, Qazaqstan halqy Assambleiasynyŋ öŋırlık filialy ökılderımen, jastarmen, memlekettık qyzmetkerlermen, volonterlarmen, käsıporyn qyzmetkerlerımen jäne qoǧam belsendılerımen bırge qatysty.
Tıkelei efir barysynda Memleket basşysy būl bastamanyŋ ūrpaq aldyndaǧy maŋyzy zor ekenın atap öttı.
Prezident öz sözınde:
«Taza Qazaqstan», «Zaŋ jäne tärtıp», «Adal azamat» qaǧidattary bırtūtas qūndylyqtar jüiesın qūraidy jäne qoǧamdyq ömırde berık ornyǧuy tiıs. Būl bastamalardy keŋınen nasihattauǧa tanymal ärı bedeldı azamattardy belsendı tartu qajet. Al osy ideianyŋ negızgı qozǧauşy küşı – jastar. Ekologiialyq mädeniettı erte jastan qalyptastyru asa maŋyzdy. «Taza Qazaqstan» halyqtyŋ ömır sapasy men äl-auqatyn arttyruǧa baǧyttalǧan ūlttyq ideiaǧa ainaluy tiıs», – dep atap öttı.
Teleköpır aiaqtalǧannan keiın qatysuşylar aǧaş otyrǧyzu jūmystaryna kırıstı. Aksiia aiasynda Jezqazǧan qalasyndaǧy saiabaqqa 275 tüp, al Joşy han tarihi-mädeni keşenınıŋ aumaǧyna 510 tüp jas köşet otyrǧyzyldy. Jalpy oblys boiynşa bır künde 1550 tüp jasyl jelek egıldı.
Aita ketu kerek, Ūlytau oblysynda eldı mekenderdı kögaldandyru, aumaqtardy abattandyru jäne ekologiialyq mädeniettı qalyptastyru baǧytyndaǧy jūmystar jüielı türde jalǧasyp keledı. Jyl basynan berı 7 senbılık ötkızılıp 20 myŋnan astam adam, 1551 ūjym jäne 416 tehnika jūmyldyrylyp, 2749,9 tonna qoqys şyǧaryldy. Sonymen qatar 700,7 gektar aumaq tazartylyp, 10 894 tüp aǧaş otyrǧyzyldy.
