Qaraǧandy oblysynda «Kıtap oqityn ūlt» auqymdy aǧartuşylyq jobasynyŋ qorytyndysy şyǧaryldy. Qysqa uaqyt ışınde būl bastama jai ǧana baiqau şeŋberınen şyǧyp, öŋırde keŋ auqymdy oqu qozǧalysyna ainaldy. Oqyrman mädenietın damytuǧa, halyqtyŋ ziiatkerlık äleuetın arttyruǧa jäne ruhani qūndylyqtardy därıpteuge baǧyttalǧan joba jūrtşylyqtyŋ ülken qoldauyna ie boldy.
Jobaǧa oblys boiynşa 67 myŋnan astam adam qatysyp, kıtapqa degen erekşe qyzyǧuşylyqtyŋ bar ekenın körsettı. Olardyŋ qatarynda oquşylar, ūstazdar, memlekettık qyzmetşıler, eŋbek ūjymdary, joǧary oqu oryndary men kolledj studentterı, sondai-aq tūtas otbasylar bar.
Joba Memleket basşysynyŋ bastamasymen pilottyq formatta Qaraǧandy oblysynda ıske qosyldy. Eŋ joǧary qamtu körsetkışı däl Qaraǧandy öŋırınde tırkeldı.
Baiqau qazaq jäne orys ligalary boiynşa ekı baǧytta, sondai-aq alty nominasiia aiasynda öttı. Qatysuşylar sarapşylar ūsynǧan 15 şyǧarmany oqyp, elektrondy oqyrman kündelıgın jürgızdı. Onda är kıtapqa taldau jasap, alǧan äserlerı men oilaryn bölıstı. Irıkteu kezeŋı testıleu formatynda ötıp, üzdıkter oblystyq deŋgeidegı ziiatkerlık saiysqa joldama aldy.
Eŋ auqymdy sanattardyŋ bırı — «Kıtap oqityn äulet» nominasiiasy boldy. Būl baǧytta myŋdaǧan otbasy baq synap, olardyŋ ışınde Şalqarovtar äuletı jüldelı orynǧa ie boldy. Qatysuşylardyŋ aituynşa, būl joba otbasylyq kıtap oqu dästürın nyǧaityp, balalardyŋ kıtapqa degen qyzyǧuşylyǧyn arttyruǧa yqpal etken.
Jeŋımpazdardy marapattau räsımı 23 säuır — Ūlttyq kıtap künıne orai öttı. Barlyq sanattar boiynşa üzdıkterge qomaqty aqşalai syilyqtar tabystaldy: bırınşı oryn — 1 mln teŋge, ekınşı oryn — 600 myŋ teŋge, üşınşı oryn — 400 myŋ teŋge.
Joba aiasynda tek bılım ǧana emes, jaŋa oqu mädenietı qalyptasa bastady. Qatysuşylar arasynda syni oilau, taldau jasau, pıkır bıldıru daǧdylary damyp, kıtaptyŋ qoǧamdaǧy rölı qaita aiqyndala tüstı.
Oblys äkımı Ermaǧanbet Bölekpaev būl bastamanyŋ maŋyzdylyǧyn erekşe atap öttı. Onyŋ aituynşa, joba halyqtyŋ kıtapqa degen qyzyǧuşylyǧynyŋ joǧary ekenın däleldep, sanaly türde damu jolyn taŋdaǧan qoǧamnyŋ qalyptasyp kele jatqanyn körsettı.
— Olai bolsa, osynau igı bastama mındettı türde jalǧasyn tabu kerek! Bükıl öŋır jūrtşylyǧyn ortaq mūratqa jūmyldyrǧan joba halyq sanasyna serpın beretın ülken qozǧalysqa ainalsyn! — dedı oblys äkımı.
Sonymen qatar öŋırde kıtap oquǧa qolaily jaǧdai jasau baǧytynda da naqty qadamdar jüzege asuda. Qaraǧandy qalasynda jaŋa qoǧamdyq kıtaphanalar aşylyp, bolaşaqta zamanaui kıtap keŋıstıkterın qūru josparlanuda.
Bügınde «Kıtap oqityn ūlt» jobasy jai ǧana baiqau emes, qoǧamda intellektualdy bäsekelestık qalyptastyratyn, bılım men ruhaniiatty därıpteitın maŋyzdy qozǧalysqa ainaldy.
İgı bastama Qaraǧandy oblysynda jalǧasyn tappaq.
