Qaraǧandy oblysynda jastar saiasatyna jaŋa serpın berılmek: täjıribege basymdyq, jaŋa formattar jäne naqty nätijege baǧyttalǧan jūmys küşeitıledı. Öŋır äkımı janyndaǧy jastar ısı jönındegı keŋeste jas buyndy qoldaudy qalai tiımdı etu mäselesı talqylandy.
Bügınde oblysta 14 jastar resurstyq ortalyǧy jūmys ısteidı. Alaida olardyŋ bırqatary kadrlyq jäne tehnikalyq tūrǧydan küşeitudı qajet etedı.
Būl turaly jastar saiasaty mäselelerı basqarmasynyŋ basşysy Aisulu Erniiazova aitty.
Ötken jyly jūmyssyz jastarǧa, NEET sanatyna jäne mümkındıgı şekteulı jastarǧa arnalǧan jaŋa bastamalar ıske qosyldy. Taldau nätijesınde bırqatar jobalar jaŋartylyp, tiımsız formattar qysqartylǧan.
— «Taldau mektebı» jobasy jaŋartylǧan formatta — «Qaraǧandy Taldau mektebı 2.0» retınde jalǧasyp jatyr. Sonymen qatar NEET sanatyndaǧy jastarmen jūmys ısteudıŋ jaŋa formatyn engızu josparlanuda: būl baǧdarlamaǧa qatysqanǧa deiıngı jäne keiıngı özgerısterdı baqylaumen ūzaq merzımdı süiemeldeudı közdeidı, — dedı oblystyq jastar resurstyq ortalyǧynyŋ direktory Aslan Kabegenov.
Keŋeste jastar saiasatynyŋ nätijelılıgı tek salalyq basqarmaǧa emes, jergılıktı deŋgeidegı jūmystyŋ sapasyna da täueldı ekenı erekşe atap ötıldı.
Temırtau qalasynda negızgı nazar jastardy jūmyspen qamtuǧa, qoljetımdı baspanaǧa jäne qalalyq ortany damytuǧa audarylyp otyr. Būl jastardyŋ öŋırden ketuın azaituǧa baǧyttalǧan.
— Barlyq şaralar jastardyŋ köşı-qonyn tömendetıp, olardyŋ özın-özı jüzege asyruyna jaǧdai jasauǧa baǧyttalǧan, — dep atap öttı qala äkımı Ǧalym Äşımov.
2020 jyldan berı mūnda granttyq qoldaudyŋ arqasynda jastar käsıpkerlıgı boiynşa 50 joba jüzege asyrylǧan.
Būqar jyrau audanynda auyldyq okrugterdıŋ reitingı engızılgen. Onda jastarmen jūmys körsetkışterı — jūmyspen qamtu, qoǧamdyq ömırge qatysu, ekologiia jäne volontiorlık qyzmet eskerıledı. Sonymen qatar ärtürlı toptarǧa — mektep oquşylaryna, studentterge, jūmys ısteitın jastarǧa jäne NEET sanatyna jeke täsıl qoldanylady.
Maŋyzdy baǧyttardyŋ bırı — Jasyl el baǧdarlamasy. Öŋır qatysuşylar sany boiynşa köşbasşylar qatarynda.
— Soŋǧy üş jylda jasaqşylar sany 3 myŋnan 5 myŋǧa deiın östı. Biyldan bastap joba jyl boiy jüzege asyrylatyn formatqa köşırıldı. Būl tek jūmyspen qamtudy qamtamasyz etıp qana qoimai, oqytu, treningter ötkızu jäne komandalyq daǧdylardy damytuǧa mümkındık beredı, — dedı oblystyq ştab jetekşısı Sūltan Şaimaǧanbet.
Onyŋ aituynşa, qatysuşylardyŋ 15%-yna deiını äleumettık osal sanattaǧy jastar. İnkliuzivtı jäne öndırıstık jobalar keŋeiıp, qatysuşylar täjıribelık daǧdylardy meŋgerude.
Sondai-aq öŋırde ekologiialyq volontiorlıktı damytu josparlanyp otyr — jastar türlı aksiialarǧa qatysyp, «eko-patrul» formatynda jūmys ısteidı.
Sonymen qatar bırqatar özektı mäseleler de saqtalyp otyr: infraqūrylymnyŋ jetkılıksızdıgı, bos uaqytty ötkızudıŋ eskırgen formattary jäne aqparattyq qoldaudyŋ älsızdıgı.
Şeşımder qatarynda — kreativtı keŋıstıkterdı damytu, granttardy keŋeitu, onlain jäne oflain formattardy bırıktıru, sondai-aq jastarǧa arnalǧan adaldyq baǧdarlamalaryn engızu bar.
— Negızgı baǧyttardyŋ bırı — jastardyŋ sūranysyn eskere otyryp, mädeni infraqūrylym jelısın damytu. Mümkındık bar jerlerde osyndai keŋıstıkter aşu qajet, — dedı oblys äkımı Ermaǧanbet Bölekpaev.
Jiyn soŋynda jetı jastar resurstyq ortalyǧynyŋ basşylary atqarǧan jūmystary üşın marapattaldy.
