Maŋǧystau oblysynda nöser jauyn saldarynan jylqylar jappai qyrylyp qaldy. Būl turaly Lada.kz basylymy jazdy, dep habarlaidy "Adyrna".
Aqparatqa säikes, jaŋbyrdan keiın jylqylar batpaqqa batyp, qyrylyp qalǧan. Mal şyǧyny turaly aqparatty jergılıktı tūrǧyndar äleumettık jelılerde jariialady. Olardyŋ aituynşa, är şaŋyraq bırneşe bastan on basqa deiın malynan aiyrylǧan.
"Maŋǧystaudaǧy nöserden keiın Aqşymyrau auyly maŋyndaǧy maldy su aǧyzyp äketıp, sortaŋǧa tüsırgen. Köptegen jylqy tūzdy batpaqqa batyp öldı, taǧy bır bölıgı älı künge şyǧa almai jatyr. Eger TJM men jergılıktı bilık der kezınde kömek körsetpese, jaǧdai tıptı kürdelene tüsuı mümkın", – dep jazdy auyl tūrǧyndary.
Olar būl mäselege zaŋ şyǧaruşylar men januarlardy qorǧauşylardyŋ nazar audaruyn sūrady.
Maŋǧystau audany äkımdıgınıŋ mälımetınşe, jaǧdaidy baǧalau üşın memlekettık organdar ökılderınıŋ qatysuymen arnaiy komissiia qūrylǧan.
Aldyn ala derek boiynşa, 100-den asa jylqy tabylǧan. Qazır jergılıktı atqaruşy organdar şyǧynǧa ūşyraǧan maldyŋ naqty sanyn anyqtap jatyr. Sebebı mal ielerı äzırge tülıktı tolyq tügendep ülgermegen.
Boljam boiynşa, mal şyǧynyna aua raiynyŋ kürt būzyluy - ekpındı jel men nöser jauyn sebep bolǧan. Baǧdarynan jaŋylǧan januarlar jetuı qiyn aumaqtarǧa kırıp ketıp, batpaqta qyrylyp qalǧan. Keibır üiır eldı mekenderden 60–80 şaqyrymǧa deiıngı qaşyqta qyryluy mümkın.
"Saldardy joiu üşın barlyq küş pen qūral jūmyldyryldy. Öŋırdegı ırı käsıporyndardyŋ tehnikasy, tötenşe jaǧdailar qyzmetı jäne jergılıktı atqaruşy organdar ıske tartyldy. Sudy soru jäne qalpyna keltıru jūmystary küşeitılgen rejimde jalǧasyp jatyr. Jaǧdai erekşe baqylauda. Mal ielerımen jūmys jürgızılıp jatyr, zamanaui baqylau qūraldary men arnaiy tehnika qoldanylyp jatyr", – dep habarlady Maŋǧystau audany äkımdıgı ökılderı.
