«Qaraŋǧy qazaq kögıne, örmelep şyǧyp, kün bolam!» dep jyrlaǧan Sūltanmahmūt Toraiǧyrov mūrasyn temırqazyq etken «Sun Study» balalardy damytu ortalyǧy elordada öz qyzmet aiasyn keŋeitıp, ekınşı filialyn resmi türde ıske qosty.
Aşylu saltanaty erekşe mazmūnda ötıp, oǧan qoǧam qairatkerlerı, jurnalister, ziialy qauym ökılderı men ata-analar qatysty. Is-şara barysynda aqsaqal Jangeldı Şymşyqov aq batasyn berıp, ortalyq jūmysyna sättılık tıledı.
Saltanatty jiynda söz söilegender qatarynda QR Parlamentı Mäjılısınıŋ deputaty Samat Nūrtaza, telejurnalist, PR jäne kommunikasiia mamany Rinat Kertaev, sondai-aq qazaq küş önerın zertteuşı, mädeniettanuşy Abylaihan Qalnazarov boldy. Olar öz sözderınde jas ūrpaq tärbiesı men sapaly bılım berudıŋ maŋyzdylyǧyna toqtaldy.
Jobaǧa aqparattyq jäne qoǧamdyq qoldau bıldırgen tūlǧalar qatarynda “Sadaq media” jobasynyŋ negızın qalauşy Däuren Dariiabek, Kznews.kz portalynyŋ bas redaktory Asqar Bekov, alaştanuşy ǧalym Ūşqyn Saidrahman, “Alaş Orda” ūlttyq portalynyŋ bas redaktory Serık Joldasbai, “Samūryq-Qazyna” qoryna qarasty Äleumettık özara yqpaldastyq jäne kommunikasiia ortalyǧynyŋ bas direktory Eldos Ömırzaqūly, belgılı jurnalist Ädılbek Japaq jäne “Ruh jaŋǧyryǧy” qoǧamdyq qorynyŋ direktory Aidar Hamit bar.
Ortalyqtyŋ aşylu räsımınde lentany Jangeldı Şymşyqov, Samat Nūrtaza jäne Rinat Kertaev qiyp, jaŋa bılım ordasynyŋ esıgın aiqara aşty.
Saltanatty şara barysynda ata-analar arasynda türlı oiyndar ūiymdastyrylyp, belsendı qatysuşylarǧa ortalyqtyŋ oqu aqysyna jeŋıldıkter ūsynyldy. Sonymen qatar, balalarǧa arnalǧan oiyn-sauyq baǧdarlamalary ötkızılıp, merekelık köŋıl-küi qalyptasty. Qonaqtarǧa arnaiy furşet ūsynylyp, kelgenderdıŋ barlyǧy dämnen auyz tiıp, erkın formatta pıkır almasuǧa mümkındık aldy.
Ortalyqtyŋ basty erekşelıkterınıŋ bırı – onyŋ oqu-tärbie üderısı Alaş qozǧalysy qairatkerlerınıŋ oilary men ideialaryna negızdeluı. Iаǧni, mūnda bılım beru tek akademiialyq baǧytpen şektelmei, ūlttyŋ ruhani qūndylyqtaryn, jauapkerşılık pen azamattyq ūstanymdy qalyptastyruǧa baǧyttalǧan. Äsırese Älihan Bökeihan, Ahmet Baitūrsynūly, Mırjaqyp Dulatūly, Maǧjan Jūmabai syndy tūlǧalardyŋ mūrasy arqyly balalardyŋ sanasyna elge qyzmet etu, bılımge ūmtylu, ūlttyq sana sekıldı qūndylyqtar sıŋırıledı.
Sonymen qatar, ortalyqta balalardyŋ jan-jaqty damuyna baǧyttalǧan türlı üiırmeler jūmys ısteidı. Atap aitqanda, qyş önerıne arnalǧan (goncharnyi) üiırme, oratorlyq şeberlık, şahmat, aǧylşyn tılı, dombyra, akterlık şeberlık, suret salu jäne vokal baǧyttary qamtylǧan. Būl baǧyttar balalardyŋ şyǧarmaşylyq, ziiatkerlık jäne kommunikativtık qabıletterın qatar damytuǧa mümkındık beredı.
Jalpy, «Sun Study» ortalyǧynyŋ ekınşı filialynyŋ aşyluy – elordadaǧy bılım beru keŋıstıgın keŋeitıp qana qoimai, jas ūrpaqtyŋ jan-jaqty damuyna, ūlttyq ruhta tärbielenuıne baǧyttalǧan maŋyzdy qadam bolyp otyr.
