Qazaqstan Prezidentı Qasym-Jomart Toqaevqa elordanyŋ äleumettık-ekonomikalyq jäne infraqūrylymdyq damuy jaiynda esep berıldı, dep habarlaidy "Adyrna".
Prezidentke barlyq basty ekonomikalyq körsetkışter boiynşa oŋ dinamika saqtalyp otyrǧany baiandaldy. Negızgı kapitalǧa salynǧan investisiia kölemı 7 aida 1,2 trillion teŋgenı qūrady. Būl – ötken jyldyŋ osy kezeŋımen salystyrǧanda 42,1 paiyzǧa joǧary. Biyl jalpy qūny 300 milliard teŋge bolatyn 55 investisiialyq jobany ıske asyru josparlanyp otyr. Būl bastamalar 3,6 myŋ jaŋa jūmys ornyn aşuǧa mümkındık beredı .
Astana äkımı äleumettık nysandardyŋ qūrylysy, apatty jaǧdaidaǧy eskı üilerdı būzu, tūrǧyn üi alaptaryn damytu, qalany abattandyru jäne kögaldandyru jūmystary turaly aitty. Memleket basşysynyŋ tapsyrmasyna sai, «Keleşek mektepterı» ūlttyq jobasy aiasynda elordada 1 qyrküiekte 28 myŋ oquşyǧa arnalǧan 7 jaŋa mektep aşyldy. Osy oqu jylynda qalada 15 jaŋa mektep paidalanuǧa berılmek. Byltyrǧy kezeŋde 66 myŋ oquşyǧa arnalǧan 24 mektep, sonyŋ ışınde 16 «Keleşek mektebı» aşyldy. Jyl soŋyna deiın 4716 studentke arnalǧan 8 jataqhana boi köteredı. Biyl Astanada 170 aula men qoǧamdyq keŋıstıktı abattandyryp, 1 millionnan asa jasyl jelek egu josparlanyp otyr.
Qasym-Jomart Toqaevqa jylytu mausymyna daiyndyq jaiynda mälımet berıldı. Üşınşı jylu elektr ortalyǧynyŋ bırınşı kezegın, sondai-aq «Tūran» jäne «Oŋtüstık-Şyǧys» gaz stansalaryn paidalanuǧa beru arqyly şahardyŋ jylytu quaty 30 paiyzǧa ūlǧaiǧan. Iаǧni qosymşa 1100Gkal/saǧat quat öndıre bastady. Biyl «Tūran» stansasynyŋ ekınşı kezegın aiaqtau josparlanǧan. «Telman» stansasynyŋ qūrylysy jürıp jatyr. Ekınşı jylu elektr ortalyǧyn keŋeitu jäne «Oŋtüstık-Batys» gaz jylu stansasyn jobalau közdelıp otyr.
Kezdesu soŋynda Memleket basşysy tūrǧyn üi-kommunaldyq şaruaşylyǧy jäne äleumettık sala nysandaryn aldaǧy jylytu mausymyna daiyndau, jaŋbyr suyna arnalǧan kärız jüiesın retteu, jol-kölık infraqūrylymy men abattandyru mäselelerın şeşu jönınde bırqatar tapsyrma berdı.
