Úkimet qaýlysymen 23 sáýir Ulttyq kitap kúni bolyp bekitildi. Osyǵan oraı Mádenıet jáne aqparat mınıstrligi úzdik kitaptarǵa arnalǵan «Ulttyq kitap» baıqaýyn jarııalady. Bul týraly Mádenıet jáne aqparat mınıstri Aıda Balaeva Facebook paraqshasynda jazdy, dep habarlaıdy “Adyrna” ulttyq portaly.
«Qurmetti dostar! Memleket basshysy Ulttyq quryltaıdyń úshinshi otyrysynda Ulttyq kitap kúnin belgileý týraly tapsyrma bergeni belgili. Qazaqstan Respýblıkasyndaǵy mereke kúnderiniń tizbesine jańa mereke qosyldy. Úkimet qaýlysymen 23 sáýir Ulttyq kitap kúni bolyp belgilendi!
Prezıdent óz sózinde: «Shyn máninde, ozyq oıly ult bolýdyń eń tóte joly – kitap oqý. Sondyqtan kitap oqý mádenıetin qoǵamda barynsha ornyqtyrýymyz kerek», - dep atap ótti. Qoǵamda kitap oqý mádenıet qalyptastyrý boıynsha mınıstrlik tarapynan júıeli jumystar jalǵasa beredi.
Osy oraıda, Mádenıet jáne aqparat mınıstrligi Ulttyq kitap kúnine oraı úzdik kitaptarǵa arnalǵan «Ulttyq kitap» baıqaýyn jarııalady», dep jazdy Aıda Balaeva Facebook paraqshasynda.
Mınıstrdiń aıtýynsha, baıqaýda «Balalarǵa arnalǵan úzdik kitap», «Jasóspirimderge arnalǵan úzdik komıks kitaby», «Non fıkshn (psıhologııalyq, motıvaııalyq, bıznes) baǵytyndaǵy úzdik kitap», «Detektıv janryndaǵy úzdik kitap», «Satıra janryndaǵy úzdik kitap», «Úzdik ılıýstraııalyq kitap», «Úzdik aýdarma kitaby», «Eń kóp oqylǵan kitap», «Fentezı janryndaǵy úzdik kitaby», «Úzdik baspa» nomınaııalary boıynsha jeńimpazdar anyqtalady. Sondaı-aq «Jyl kitabyna» gran-prı syılyǵy tabystalady.
«Bul baıqaý úzdik kitaptardy anyqtap, ony kópshilikke nasıhattaýǵa, qoǵamdy kitap oqýǵa úndeýge yqpal etedi degen oıdamyz», delingen jazbada.
