Tanymal qazaqstandyq prodıýser, aktrısa jáne kásipker Baıan Alagózova 10 mamyr kúni jazylýshylarymen qýanyshty jańalyǵymen bólisti, dep habarlaıdy “Adyrna” ulttyq portaly.
Ol óziniń Instagram paraqshasynda amerıkalyq tanymal reper Snýp Doggtyń qazaqstandyq KeshYOU tobymen birge beınebaıan túsirgenin aıtty.
«Biz ıntrıgany saqtap, ony bomba etip jarııalaǵymyz keldi, biraq Snoop Dogg muny biz úshin jasady, meniń qymbatty jazylýshylarym, men sizderden Snoop-qa jyly shyraı tanytýlaryńyzdy suraımyn. Bizdiń qyzdar, bizdiń KeshYOU, olar shynymen keremet», – dep jazdy Baıan Alagózova.
Qazaqstandyq prodıýser repermen birge túsken sýretin de jarııalady. Onda Snýp Dogtyń qazaqsha shapan men kepka kıgeni kórsetilgen. Baıan Alagózova ulttyq kıimderdiń qazaqstandyq dızaıner Aıda Qaýmenovanyń týyndysy ekenin atap ótti.
«Aıda, qymbatty dosym, Snýpqa sizdiń shapanyńyz ben bas kıimińiz qatty unady jáne ol ony bizdiń aldaǵy ǵasyrlar boıy este qalatyn beınebaıanymyzda kıip tústi», - dedi ol.
Aıta keteıik, reper de Instagram jelisindegi paraqshasynda jańa trek shyǵarǵanyn habarlady.