Qazaqstannyń Syrtqy ister mınıstrligi Londondaǵy Ázirbaıjan elshiligine dinı uıym ókilderiniń shabýylyna qatysty pikir bildirdi, dep habarlaıdy “Adyrna” tilshisi.
Eske salaıyq, 4 tamyzda «Mahdı qyzmetshileri odaǵy» shıit dinı birlestiginiń 23 ókili Ulybrıtanııa astanasyndaǵy Ázirbaıjan dıplomatııalyq mıssııasynyń aýmaǵyna basyp kirip, onda dinı týlardy kóterip, mazmuny BAQ-ta kórsetilmegen urandar aıtqan. Elshilik qyzmetkerleri zardap shekpegeni belgili. Polıeıler dinı uıym ókilderin ǵımarattan shyǵaryp salyp, segiz adamdy ustady.
"Aǵymdaǵy jyldyń 4 tamyzynda Londondaǵy Ázerbaıjan Respýblıkasynyń Elshiligine ekstremısterdiń shabýylyna baılanysty biz dıplomatııalyq ókildikter men olardyń qyzmetkerlerine qatysty zorlyq-zombylyqtyń kez kelgen kórinisin qabyldaýǵa bolmaıdy dep sanaımyz. Mundaı áreketter halyqaralyq quqyq negizderi men normalaryn buzýǵa jol bermeıdi. Jalpyǵa birdeı aıyptaýǵa ushyraıdy jáne olardy uıymdastyrýshylardy jaýapkershilikke tartý úshin jan-jaqty tergeýdi talap etedi. Biz Ázirbaıjan halqynyń tabandylyǵyna senimdimiz jáne baýyrlas memleketke qıyn jaǵdaılarda jan-jaqty qoldaý kórsetýge daıyn ekenimizdi bildiremiz», - dedi Qazaqstannyń Syrtqy ister mınıstrligi.
Sputnik Ázirbaıjan saıtynda aıtylǵandaı, bul oqıǵaǵa baılanysty barlyq túrki memleketteri Ázirbaıjandy qoldady.
Aıta keteıik, «Máhdı qyzmetshileriniń odaǵy» dinı birlestiginiń negizin qalaýshy Kýveıttiń týmasy Iasır Ál-Habıb. Ázirbaıjandyq derekkózderdiń habarlaýynsha, onyń súnnıttik dinı dogmalarǵa qarsy dóreki málimdemelerimen tanymal ekeni belgili, sol úshin dinı ekstremıst dep tanylǵan. Iasır ál-Habıb Ulybrıtanııadan saıası baspana aldy, onyń jaqtastary da osynda turady.
Oqıǵa Taýly Qarabaqtaǵy ázirbaıjan-armıan qaqtyǵystarynyń shıelenisýi aıasynda oryn aldy.
“Adyrna” ulttyq portaly
