Būl turaly Mäjılıs Spikerı, «AMANAT» partiiasynyŋ Töraǧasy Erlan Qoşanov käsıpkerlık mäselelerı jönındegı üilestıru keŋesınıŋ keŋeitılgen otyrysynda mälımdedı. Is-şaraǧa myŋdaǧan kompaniia men milliondaǧan adamdy bırıktıretın biznes-qoǧamdastyq pen ırı salalyq qauymdastyqtardyŋ ökılderı qatysty. Partiia men biznes eldıŋ tūraqty ärı ornyqty damuy üşın, käsıpkerlerge jaŋa mümkındıkter jasau, ekonomikanyŋ ösuın qamtamasyz etu jäne qazaqstandyqtardyŋ tabysyn arttyru baǧytynda bırlesıp jūmys ısteitın bolady. Otyrysqa partiianyŋ öŋırlık filialdary beinekonferensbailanys arqyly qosyldy.
Öz sözınde Erlan Qoşanov keiıngı jyldary Prezident jaŋa memlekettık modeldı däiektı türde qalyptastyryp otyrǧanyn atap öttı. Ol – quatty ekonomikaǧa, ädıldıkke jäne jūmys oryndaryn aşyp, investisiia tartatyn, eldı alǧa jeteleitın käsıpkerlerdı naqty qoldauǧa baǧyttalǧan. Referendumda azamattar keŋınen qoldaǧan jaŋa Konstitusiia osy baǧytty saiasi ärı qisyndy tūrǧyda bekıttı. Būl rette partiia men biznestıŋ ortaq maqsaty – Progressivtı ärı Ädılettı Qazaqstan qūru. Sondyqtan «AMANAT» biznes ökılderımen küş bırıktırıp, el men onyŋ azamattarynyŋ igılıgı jolynda bırlesıp jūmys ısteuge daiyn.
«Partiianyŋ täjıribesı, äleuetı jäne jūmys ısteuge degen ūmtylysy bar. Bız ärdaiym Prezident saiasatynyŋ aldyŋǧy şebındemız. El tarihyndaǧy maŋyzdy kezeŋderde saiasi instituttardyŋ basyn bırıktırıp kelemız. Belsendı azamattarǧa arnalǧan jūmys alaŋdarymyz bar. Jastar qanaty men äielder qanaty jūmys ısteidı. Olar el aumaǧynda ondaǧan myŋ adamdy bırıktıredı. Būl – partiiamyzdyŋ özegın qūraityn elektorat. Biznes te partiiany öz serıktesı retınde köruı kerek. Bızge senım bıldırıp, mūnda olardyŋ dauysy estıletınıne, mäselelerı naqty qaralyp, şeşımın tabatynyna köz jetkızuı qajet. Sondyqtan partiianyŋ jeke Käsıpkerler qanatyn qūrudy ūsynamyn», – dedı partiia Töraǧasy.
Erlan Qoşanov partiianyŋ biznespen bırlesken jūmysynda eleulı täjıribe jinaqtaǧanyn atap öttı. Būl baǧytta biznestıŋ müddesın jüielı qorǧau jäne käsıpkerler qauymdastyǧymen tūraqty dialog ornatu ısınde tiımdı alaŋǧa ainalǧan partiia janyndaǧy Üilestıru keŋesı maŋyzdy röl atqarady. 20-dan astam otyrys ötkızılıp, onda naryqqa qol jetkızu men qarjylandyrudan bastap, salyqtyq jäne infraqūrylymdyq retteuge deiıngı 170-ke juyq mäsele qaraldy. Keŋestıŋ tiımdı jūmysyna Premer-Ministrdıŋ orynbasary – Ūlttyq ekonomika ministrı Serık Jūmanǧarinnıŋ teŋ töraǧa retınde tıkelei qatysuy yqpal etude.
Öŋırlerde de osyndai partiialyq keŋester belsendı jūmys ısteidı. Jaqyn arada keŋester jergılıktı biznestıŋ problemalyq mäselelerınıŋ tızılımın qalyptastyryp, äkımdıkter men barlyq müddelı memlekettık organdardyŋ qatysuymen olardy jüielı türde şeşuge küş salady. Qajet bolǧan jaǧdaida būl mäseleler respublikalyq deŋgeige şyǧarylady. Partiia öŋırlık keŋester jūmysyna eŋ belsendı käsıpkerlerdı tartatyn bolady. Aldaǧy uaqytta olar partiianyŋ kadrlyq rezervıne engızıledı.
«AMANAT» partiiasy sondai-aq bizneske qoldau körsetudıŋ sifrlyq qūraldaryn küşeitude. «Ashyk Amanat» analitikalyq platforma ıske qosylady. Būl servis elımızdegı käsıpkerlerdıŋ problemalyq mäselelerın bırıktırıp, partiia, Ükımet jäne biznes qauymdastyǧy arasyndaǧy naqty ärı tiımdı dialogtyŋ qūralyna ainaluǧa tiıs.
Mäjılıs Töraǧasy biznes ökılderımen belsendı jūmysty Mäjılıstegı partiia fraksiiasy jürgızıp otyrǧanyn atap öttı. Parlamentte köpşılık dauysqa ie fraksiia retınde käsıpkerlıktı qoldauǧa, aşyqtyqty arttyruǧa jäne äkımşılık kedergılerdı azaituǧa baǧyttalǧan zaŋdardy jetıldırıp, olardyŋ oryndaluyn baqylaidy. Mäselen, biznes qauymdastyqpen jäne «Atameken» ŪKP-men pändık dialog jaŋa Salyq, Qūrylys kodeksterı, memlekettık satyp alu turaly zaŋ jobalaryn äzırleu kezınde qūryldy.
Jaŋa Käsıpkerler qanatynyŋ qyzmetı aiasynda būl özara ıs-qimyl jüielı türde küşeitıletın bolady. Fraksiiada biznes salasyndaǧy belsendılermen tūraqty bailanys ornatatyn jauapty deputattar bekıtıledı. Olar käsıpkerler bastamalaryn zaŋnamalyq tetıkter men deputattyq saualdar arqyly ılgerıletıp, zaŋ jobalaryn äzırleu jönındegı jūmys toptaryna biznes ökılderın tartumen ainalysady.
Otyrys barysynda QR Premer-Ministrınıŋ orynbasary – Ūlttyq ekonomika ministrı Serık Jūmanǧarin käsıpkerlerdıŋ ötınışterımen jūmys jüielı özgerısterge alyp keluge tiıs ekenın atap öttı. Onyŋ aituynşa, bügınde basty mındet – jekelegen mäselelerge jauap beruden erejeler men retteu deŋgeiındegı şeşımderge köşu.
Is-şarada Qazaqstannyŋ qaitalama şikızatty qaita öŋdeuşıler qauymdastyǧynyŋ töraǧasy Batyrbek Äubäkırov, «Petrocouncil» Qazaqstannyŋ mūnai-gaz keŋesı qauymdastyǧynyŋ teŋ töraǧasy Serık Amanǧaliev, «ALPRİMA» JŞS bas direktory Andrei Degunkov, «Qazaqstan investorlar odaǧy» qauymdastyǧynyŋ basqarma töraǧasy Rustam Jürsınov jäne özge de azamattar söz söiledı.
Kezdesu qorytyndysy boiynşa ırı biznes pen ŞOB ökılderı partiia qataryna qabyldandy. Osylaişa QR Sauda jelılerı odaǧy basqarma töraǧasynyŋ orynbasary Elbegi Abdiev, Qazaqstandyq salyq keŋesşılerı qauymdastyǧynyŋ müşesı Aijan Balakeşova jäne «Integra Construction KZ» JŞS aksionerı Mütälıp Şahmūrat «AMANAT» partiiasynyŋ müşesı boldy. Sondai-aq Qazaqstan IT kompaniialary qauymdastyǧynyŋ prezidentı, Üilestıru keŋesınıŋ müşesı Aiymgül Äbıleva, «Energy Monitor» qoǧamdyq qorynyŋ atqaruşy direktory Nūrlan Jūmaǧūlov, «Atameken» ŪKP öŋdeuşı önerkäsıp komitetınıŋ töraǧasy Qanat İbraev, «FarmMedİndustriia Qazaqstan» qauymdastyǧynyŋ prezidentı Ruslan Sūltanov jäne «Qazaqstan elektr energetikasy assosiasiiasy» basqarma töraǧasy Talǧat Temırhanov partiia qataryna qosyldy.
Kezdesu qorytyndysy boiynşa Memleket basşysynyŋ alǧys hattary men partiialyq nagradalary partiia janyndaǧy Üilestıru keŋesınıŋ müşelerıne jäne biznes-qoǧamdastyq ökılderıne el damuyna qosqan ülesı üşın saltanatty türde tabys etıldı.
«AMANAT» partiiasynyŋ Baspasöz qyzmetı
Foto: Äli Ǧalym
