Kabulda alǧaş ret Auǧanstan men Ortalyq Aziia elderınıŋ keŋesı öttı, dep habarlaidy "Adyrna" ūlttyq portaly.
Jiyn 2026 jyldyŋ 5 säuırınde Kabul qalasynda bolǧan. Is-şarany Auǧanstan syrtqy ıster ministrlıgı ūiymdastyrdy.
Kezdesudı Auǧanstannyŋ syrtqy ıster ministrı Amir Han Muttaki jürgızdı. Jiynǧa Auǧanstan men Ortalyq Aziia elderınıŋ joǧary lauazymdy ökılderı qatysty.
Būl – 2021 jyldan berı Kabulda ötken alǧaşqy osyndai formattaǧy kezdesu. Būǧan deiın Ortalyq Aziia elderı auǧan tarapynyŋ ökılderımen kezdesulerdı negızınen basqa qalalarda ötkızıp kelgen.
Kelıssözder barysynda saiasi, ekonomikalyq jäne qauıpsızdık mäselelerı talqylandy. Sondai-aq öŋırlık yntymaqtastyqty damytu, sauda men tranzittı keŋeitu mäselelerı kün tärtıbıne şyqty. Amir Han Muttaki öz mälımdemesınde Auǧanstan men Ortalyq Aziia elderı üşın ortaq qauıp-qaterler qatarynda esırtkı tasymaly jäne transşekaralyq qylmys bar ekenın atap öttı.
Auǧan bilıgı būl dialogty aimaqpen bailanysty nyǧaitudaǧy maŋyzdy qadam retınde baǧalap otyr. Ministrdıŋ aituynşa, elde memlekettık basqaru jüiesı nyǧaiyp, sifrlandyru men biurokratiialyq prosesterdı jeŋıldetu jūmystary jürgızılude.
Ortalyq Aziia elderı soŋǧy jyldary älemdık derjavlar jäne körşı eldermen S5+1formatynda sammit ötkızudı ädetke ainaldyryp kele jatyr.
