Mäjılıs deputaty Bolat Kerımbek äskeri qyzmetkerlerge qatysty tölemder men ötemaqylardy qysqartu turaly ūsynystarǧa bailanysty tüsınıkteme berdı. Onyŋ aituynşa, qoǧamda taraǧan aqparattyŋ taqyryby būrmalanyp berılgen, dep habarlaidy "Adyrna".
Deputat öz sözınde äskeri qyzmetkerlerdıŋ äleumettık jaǧdaiyn älsıretuge qarsy ekenın atap öttı. Ol Mäjılıstegı Qorǧanys komitetınıŋ müşesı retınde äskerilerdıŋ tūrǧyn üi tölemderın qysqartuǧa nemese alyp tastauǧa qarsylyq bıldırgenın jetkızdı. Būl mäsele ötken jyldyŋ tamyz aiynda köterılgen kezde de komitet tarapynan qoldau tappaǧan.
“Mäjılıste qoǧanys komitetınıŋ müşesı retınde äskerilerdıŋ üi-jailaryna tölenetın tölemderdıŋ qysqaruyna nemese alyp tastauyna öz basym qarsymyn. Ötken jyly tamyz aiynda osy mäsele köterılgende komitet bolyp qarsylyq bıldırdık.
Men de Ūlttyq äskerımızdıŋ quatty, aibyndy boluyna müddelı azamattyŋ bırımın”,– dedı deputat.
Sonymen qatar, deputat qoǧam ökılderın tek taqyrypqa qarap emes, materialdyŋ mazmūnyna tolyq üŋılıp, saralap pıkır bıldıruge şaqyrdy.
Kerımbektıŋ aituynşa, zaŋ jobasynda naqty bırqatar özgerıster qarastyrylǧan. Atap aitqanda, äskeri jäne arnaiy oqu oryndarynan tömen ülgerım sebeptı şyǧarylǧan magistranttar men doktorant ofiserlerge berıletın keibır ötemaqylardy alyp tastau ūsynylady. Būǧan deiın oquyn aiaqtamaǧan tūlǧalarǧa da jol şyǧyndary, sonyŋ ışınde äue biletterı tölenıp kelgen.
Sondai-aq, eger erlı-zaiyptylardyŋ ekeuı de äskeri qyzmetker nemese qūqyq qorǧau organdarynyŋ qyzmetkerı bolsa, qyzmettık auys kezınde mülıktı tasymaldauǧa arnalǧan ötemaqy tek bıreuıne ǧana tölenedı. Deputattyŋ pıkırınşe, otbasy mülkı ortaq bolǧandyqtan, ekı tarapqa bırdei ötemaqy töleu memlekettık qarajatty tiımsız paidalanuǧa äkeledı.
Onyŋ aituynşa, ūsynylyp otyrǧan normalar biudjet qarajatyn ünemdeuge jäne ony tiımdı böluge baǧyttalǧan
«Ysyrapşylyqqa jol joq. Zaŋ men tärtıp barlyq salada boluy tiıs», – dedı deputat.
Būǧan deiın «Adyrna» ūlttyq portalynda jariialanǧan materialda Bolat Kerımbek äskeri qyzmetkerlerdıŋ otbasylaryna arnalǧan tölemder men jeŋıldıkterdı qysqartudy ūsyndy degen aqparat taraǧan bolatyn. Alaida keiın deputat būl bastamalardyŋ äskeri qyzmetkerlerdı jalpy qoldaudy qysqartuǧa emes, naqty tiımsız şyǧyndardy oŋtailandyruǧa baǧyttalǧanyn tüsındırdı. Zaŋ jobasy memlekettık biudjettı tiımdı paidalanu jäne artyq şyǧyndardy azaitu maqsatynda äzırlengen.
