Qazaqstan mūsylmandary dıni basqarmasy (QMDB) soŋǧy oqiǧalarǧa bailanysty mälımdeme jasap, jekelegen adamdardyŋ äreketı üşın islam dının aiyptauǧa bolmaitynyn aitty, dep habarlaidy "Adyrna".
«İslamda mın joq, mın – adamda. Jekelegen adamdardyŋ qatelıgı dınnıŋ nemese QMDB-nyŋ atynan jasalmaidy. İslamda ajyrasu qūptalmaidy, alaida erlı-zaiyptylar arasynda tüsınıspeuşılık bolsa, ajyrasuǧa rūqsat etıledı. Alaida şariǧatta arnaiy ajyrasyp, äieldı basqa bıreuge beru äreketıne jol berılmeidı. Qoǧamda talqylanyp jatqan Qūrbanälı Ahmet esımdı azamat QMDB-da jūmys ıstemeidı, basqarmamen bılım beru nemese basqa baǧyttar boiynşa eşqandai bailanysy joq», – delıngen mälımdemede.
QMDB Qazaqstanda islam qūndylyqtaryn resmi türde nasihattaityn jalǧyz organ ekenın atap öttı. Sonymen qatar islam dını halyqtyŋ salt-dästürımen tyǧyz bailanysty ekenın jetkızdı.
Basqarma qazaq halqynyŋ ūlttyq merekesı – Nauryzdy atap ötuge rūqsat etıletının mälımdedı.
«Nauryz merekesınde dınge qaişy keletın eşqandai element joq. Jekelegen tūlǧalardyŋ terıs pıkırlerı QMDB ūstanymyn bıldırmeidı jäne bız ondai közqarasty qoldamaimyz», – delıngen habarlamada.
Sondai-aq salafittık, uahabbittık jäne takfirittık aǧymdardyŋ keibır ökılderı dın atynan pıkır bıldıretını aityldy. QMDB būl destruktivtı aǧymdarǧa qarsy tüsındıru jäne aldyn alu jūmystaryn jürgızıp, olardyŋ yqpalyna tüsken azamattardy dästürlı dınge qaitaru baǧytynda jūmys ıstep jatqanyn habarlady.
Eske salaiyq, 1 säuır künı Mäjılıs deputaty Ermūrat Bäpi Bas prokuror Berık Asylov pen QMDB-ǧa ündeu jasap, özın «imam» retınde tanystyryp, «Nauryzdyŋ islamǧa qatysy joq» dep mälımdegen azamatqa qatysty şara qoldanudy sūraǧan edı.
Deputat söz etken «imam» – Qūrbanälı Ahmet. Oǧan «sopylyq şeih», «Oŋtüstık Qazaqstan (qazırgı Türkıstan) jäne Jambyl oblystarynyŋ halifasy», «Paiǧambar ūrpaǧy» degen ataqtar berılıp jürgenı aitylǧan. 29 nauryzda onyŋ arandatuşylyq sipattaǧy mälımdemelerı üşın aiyppūl salynǧany habarlanǧan.
Al TikTok jelısınde Nauryz merekesı turaly terıs pıkır aitqan 1991 jyly tuǧan azamatqa qatysty ūltaralyq alauyzdyqty qozdyru baby boiynşa qylmystyq ıs qozǧalǧan bolatyn. Qazırgı uaqytta ol qamauda.
