Qazaqstan Qaruly küşterınde tamaqtanu jüiesıne özgerıs engızılıp jatyr. Endı äskeri bölımderde “şved üstelı” elementterı paida bolyp, sarbazdarǧa taŋdau mümkındıgı berıledı. Qorǧanys ministrlıgınıŋ mälımetınşe, būl jaŋaşyldyq şyǧyndy arttyrmai-aq, sapany jaqsartuǧa baǧyttalǧan.
Sarbazdarǧa taŋdau mümkındıgı berıledı
Jaŋa jüie boiynşa äskeri qyzmetşıler bırneşe taǧam türınıŋ ışınen özıne ūnaǧanyn taŋdai alady. Būǧan deiıngıdai bır ǧana bekıtılgen mäzır emes, ärtürlı nūsqa ūsynylady.
Qorǧanys ministrınıŋ orynbasary Almaz Jūmakeev būl özgerıstıŋ basty maqsaty – sarbazdardyŋ naqty qajettılıgın eskeru ekenın aitty.
«Bız tamaqtanudy ūiymdastyrudyŋ zamanaui modelıne köşıp jatyrmyz. Eŋ bastysy – formaldy emes, äskeri qyzmetşınıŋ naqty qajettılıgı. “Şved üstelı” elementterı sarbazǧa taŋdau berıp, taǧam sapasyn arttyruǧa mümkındık beredı», – dedı ol.
Sapa artady, bıraq şyǧyn özgermeidı
Jaŋaşyldyqqa qaramastan, azyq-tülıkke bölınetın qarjy kölemı özgermeidı. Reforma taǧam daiyndau men taratu prosesterın oŋtailandyru arqyly jüzege asyrylady.
Qazırgı taŋda armiiada 23 jetkızuşı 40 myŋnan astam äskeri qyzmetşını tamaqpen qamtamasyz etıp otyr. Soŋǧy konkurstar nätijesınde 11 jaŋa kompaniia tartylyp, bäsekelestık artady dep kütılude.
Sonymen qatar, satyp alu jüiesı elektrondy formatqa köşırılıp, kelısımşarttar 3 jylǧa deiın jasalmaq. Būl aşyqtyqty arttyryp, sybailas jemqorlyq täuekelderın azaituǧa baǧyttalǧan.
Ūlttyq taǧamdar men qoǧamdyq baqylau küşeiedı
Jaŋartylǧan mäzırde ūlttyq taǧamdarǧa da basymdyq berıledı. Äskeri bölımderde qazırdıŋ özınde quyryq, palau, bauyrsaq siiaqty dästürlı as türlerı engızılıp jatyr.
Būdan bölek, tamaq sapasyn baqylauǧa Analar jüregı komitetınıŋ ökılderı tartylǧan. Būl – qoǧamdyq baqylaudy küşeitudıŋ bır joly.
Ministrlık mälımetınşe, qazırdıŋ özınde 300-ge juyq synaq daiyndau jürgızılıp, aspazdar arnaiy oqytudan ötken. Sondai-aq, mäzır sarbazdardyŋ anonimdı saualnamasy negızınde tüzetılıp jatyr.
