Öskemennıŋ qylmystyq ıster jönındegı audanaralyq sotynda Şyǧys Qazaqstan oblysynyŋ äkımınıŋ bırınşı orynbasary Jaqsylyq Omarǧa qatysty sot prosesı jalǧasyp jatyr, dep habarlaidy "Adyrna" ūlttyq portaly.
31 nauryzda ötken jaryssöz barysynda memlekettık aiyptauşy Jaqsylyq Omarǧa alty jylǧa bas bostandyǧynan aiyru jazasyn sūrady. Oǧan ırı kölemde alaiaqtyq jasau jäne ırı kölemde para alu deregı boiynşa aiyp taǧylǧan.
Sotta prokuror Toyota Camry kölıgın tärkıleudı, Jaqsylyq Omarǧa ömır boiy memlekettık qyzmette jūmys ısteuge tyiym saludy jäne ony "Qūrmet" ordenınen aiyrudy sūrady. Jeŋıldetetın män-jai retınde aiyptaluşynyŋ kınäsın moiyndauy, şyǧyndy öteuı jäne kämeletke tolmaǧan balalary bar ekenı eskerıldı.
Sot otyrysy barysynda Jaqsylyq Omar şyn jürekten ökınetının aityp, tergeu izoliatorynda otyrǧan uaqyttaǧy jaǧdailardy oi elegınen ötkızgenın jetkızdı.
Eske salsaq, 2026 jyly 13 aqpanda äleumettık jelıde Jaqsylyq Omardyŋ ūstalǧany turaly aqparat taraǧan. Sol kezde öŋırlık äkımdık mūndai mälımet joq ekenın habarlap, şeneunık densaulyǧyna bailanysty uaqytşa demalys alǧanyn mälımdegen. Keiın Ūlttyq qauıpsızdık komitetı onyŋ üstınen tergeu bastalǧanyn habarlady.
Qazırgı uaqytta ıs sotta qaraluda.
