"Sūŋqar" zymyran-tasyǧyşyn Baiqoŋyr ǧaryş ailaǧy aumaǧyndaǧy Bäiterek keşenı starttyq alaŋyna şyǧaru merzımı taǧy da keiınge qaldyryldy, dep habarlaidy "Adyrna" ūlttyq portaly QazTAG-qa sıltep.
Derekközdıŋ mälımetınşe, zymyrandy alaŋǧa şyǧaru 29 nauryzdan 31 nauryzǧa auystyrylǧan. Osyǧan bailanysty alǧaşqy synaqtyq ūşyru künı de özgerdı. Endı zymyrannyŋ alǧaşqy ūşuy 4 säuır künı saǧat 16:00-de (Astana uaqytymen) rezervtık kün retınde josparlanǧan. Qosymşa tekserıster qajet bolǧan jaǧdaida, kelesı rezervtık kün – 5 säuır qarastyrylǧan.
Būdan aldyn «Sūŋqar» zymyranyn ūşyru aldymen 27 nauryzǧa josparlanyp, keiın 29 nauryzǧa şegerılgen. Odan keiın ūşyru merzımı 30 nauryz ben 3 säuır aralyǧyndaǧy rezervtık künderge şegerıluı mümkın delındı.
Zymyran ūşatyn "Bäiterek" ǧaryştyq zymyran keşenı – Qazaqstan men Reseidıŋ bırlesken jobasy. Baiqoŋyrdaǧy №45 ūşyru alaŋy negızınde jasaqtalǧan joba ekologiialyq taza otynmen jūmys ısteitın zymyrandardy ūşyruǧa arnalǧan infraqūrylym qūru maqsatyn közdeitını aitylady. Joba 2004 jyly bastalyp, 2005 jyly sol kezdegı prezidentter Nūrsūltan Nazarbaev pen Vladimir Putinnıŋ qatysuymen resmi türde ıske qosylǧan bolatyn.
Aita ketu kerek, Reseide — «Soiuz-5», Qazaqstanda «Sūŋqar» atalatyn būl alyp qūral — orta klasty, ekı satyly zymyran. Ol ekologiialyq qauıpsız otyn — naftil men sūiyq ottegın paidalanady. Joba sättı jüzege asqan jaǧdaida, Qazaqstannyŋ ǧaryş salasyndaǧy äleuetın arttyryp, halyqaralyq ūşyru naryǧyndaǧy ornyn küşeituge mümkındık beredı dep habarlanǧan.
Aita keteiık, būǧan deiın reseilık BAQ-tyŋ zymyran atauyna qatysty pıkır jariialaǧan edık. Al byltyr Baiqoŋyrdaǧy Gagarin start alaŋynyŋ ornynan köne örkeniet oşaǧy tabylǧany habarlanǧan bolatyn.
