Dúısenbi, 18 naýryz kúni tańerteń Soltústik Koreıa Japon teńizine qaraı úsh ballıstıkalyq zymyran ushyrdy, dep habarlaıdy "Adyrna" ulttyq portaly Kıodo agenttigine siltep.
Phenıan ýaqyty boıynsha tańǵy saǵat 7:44-te eki zymyran, tańǵy saǵat 8:21-de bir zymyran ushyrdy. Zymyran 50 km bıiktikte shamamen 350 km qashyqtyqty ushyp ótti. Aldyn ala málimet boıynsha, ushyrýdan keıin eshqandaı zalal bolmaǵan.
Tokıo úkimeti Phenıannyń áreketine narazylyq bildirdi. Japonııa premer-mınıstri Fýmıo Kıshıda sol kúngi parlament otyrysynda KHDR halyqaralyq kelisimderdi buzyp jatqanyn jáne mundaı áreketter búkil álemge qaýip tóndiretinin atap ótti:
«Japonııa BUU Qaýipsizdik Keńesiniń tıisti qararlaryn buzatyn sońǵy ballıstıkalyq zymyran ushyrýdy qatań aıyptaıdy. (...) Soltústik Koreıanyń birqatar áreketteri elimizdiń, óńirimizdiń jáne halyqaralyq qaýymdastyqtyń tynyshtyǵy men qaýipsizdigine qater tóndiredi jáne olar múldem qabyldanbaıdy» dedi Kıshıda.
Oqıǵadan keıin Japonııa úkimetiniń ókilderi AQSh pen Ońtústik Koreıadan kelgen áriptesterimen telefon arqyly úsh eldiń yntymaqtastyǵy máselesi boıynsha sóılesti.
Zymyrandar ushyrylǵan ýaqytta AQSh Memlekettik hatshysy Entonı Blınken Seýlde bolǵan. Ol AQSh prezıdenti Djo Baıdenniń bastamasymen uıymdastyrylǵan demokratııa sammıtine qatysýǵa barǵan.
Ushyrý proesi Soltústik Koreıadan keletin qaýipterdi boldyrmaýǵa baǵyttalǵan jyl saıynǵy «Bostandyq qalqany» aýqymdy jattyǵýlary aıaqtalǵannan keıin birneshe kún ótken soń jasaldy. Bılik sonymen qatar Soltústik Koreıa basshysy Kım Chen Ynnyń Seýlge soqqy bere alatyn artıllerııalyq qondyrǵyny teksergenin habarlady.
