Halyqaralyq Olımpıada komıteti (HOK) 2024 jyly Parıjde ótetin Olımpıada oıyndaryna áıelder boksynan 57 kelige deıingi salmaq dárejesinde eki transgender sportshyǵa qatysýǵa ruqsat berdi. Atalmysh kategorııada qazaqstandyq sportshy Karına Ibragımova baq synaýda, dep habarlaıdy “Adyrna” ulttyq portaly.
Brıtandyq theguardian.com jýrnalısteri qytaılyq Taıbeılik Lın Iý-tınniń genderlik sáıkessizdik pen testosteron deńgeıiniń artyq bolýyna baılanysty 2023 jylǵy áıelder arasyndaǵy álem chempıonatynan shettetilgenin habarlady.
Sodan keıin Halyqaralyq boks qaýymdastyǵy (IBA) sportshynyń jarysqa qatysýyna jol bermeý úshin mundaı sebepterdi oryndy dep tapty. Alaıda Parıjdegi Olımpıada oıyndaryn HBA emes, HOK uıymdastyrady. «Tolyq qaraýdan» keıin HOK transgenderlerdiń jarysqa qatysýyn maquldaǵan.
Taıpeı boksshysynan bólek, aljırlik transgender Imen Helıfke de Olımpıadaǵa qatysýǵa ruqsat berildi. 1 tamyz kúni Iman Helıf ıtalıandyq burymdy boksshy Anjela Karınıǵa qarsy judyryqtasty. Atalmysh teketires 46 sekýndqa ǵana sozyldy. Jekpe-jek aıaqtalǵannan keıin ıtalıandyq dýlyǵasyn edenge laqtyryp: «Bul ádiletsizdik!» dep aıqaıǵa saldy. 25 jastaǵy boksshy qol alysýdan bas tartyp, qarsylasynyń eki kúshti soqqysynan keıin kózine jas alyp rıngke qulady.
Iman Helıf jynystyq sáıkestigin anyqtaý úshin testosteron synaqtarynan ótpegendikten ótken jylǵy álem chempıonatynan shettetilgen edi.
Aıta keteıik, qazaqstandyq boksshy Karına Ibragımova Lın Iý-tınmen bir sanatta óner kórsetip jatyr. Eger ol altyn medal úshin kúrese bastasa, erte me, kesh pe, onymen jekpe-jekke shyǵýyna týra keledi.
