Asqar Mamın qazaqstandyqtardy Naýryz meıramymen quttyqtady

3017
Adyrna.kz Telegram

Premer-mınıstr Asqar Mamın qazaqstandyqtardy Naýryz meıramymen quttyqtady,- dep habarlaıdy "Adyrna" ulttyq portaly. Bul týraly Úkimettiń resmı saıty málim etti.

«Qymbatty qazaqstandyqtar! Sizderdi Naýryz meıramymen shyn júrekten quttyqtaımyn! Bul kóktemgi merekeni halqymyz jańa jyldyń basy jáne tirshilik ataýlynyń túrlenetin kezi retinde qasterleıdi. Naýryz adamdardyń boıynda eń jarqyn jáne ıgi tilekteriniń oryndalýyna úmit uıalatyp, kemel keleshekke bastaıdy. Urpaqtan urpaqqa jalǵasyp kele jatqan Naýryzdyń ejelgi dástúrleri adamǵa eń jaqsy sezimderdi syılap, aınalasyndaǵylarǵa meıirimdilikpen kóńil bólýge, qonaqjaılylyq tanytýǵa, ózara kómek kórsetýge, tabıǵatpen úılesim taýyp ómir súrýge jeteleıdi. Kóktemniń kelýimen adamdar bir-birine eń izgi tilekterin arnap, aǵash otyrǵyzady, bulaqtardyń kózin arshyp, qamqorlyq pen qoldaýdy qajet etetin tirshilik ıelerine kómektesedi. Táýelsizdik alǵannan beri Naýryz meıramyn toılaý beıbitshilikti nyǵaıtýda jáne elimizdiń kópultty halqynyń birligin qamtamasyz etýde erekshe mańyzǵa ıe boldy. Ol ultyna, tili men dinine qaramastan, qazaqstandyqtardyń eń súıikti merekeleriniń birine aınaldy. Barlyq qazaqstandyqtarǵa jaqsylyq, amandyq-saýlyq pen ósip-órkendeý tileımin, ár otbasynda qýanyshty jáne jarqyn kúnder kóp bolsyn! Áz Naýryz halqymyzǵa berekeli yrysyn, shýaq nuryn ala kelsin! Ulystyń uly kúni qutty bolsyn!»dedi Asqar Mamın.

"Adyrna" ulttyq portaly

Pikirler