Premer-ministr Asqar Mamin qazaqstandyqtardy Nauryz meiramymen qūttyqtady,- dep habarlaidy "Adyrna" ūlttyq portaly. Būl turaly Ükımettıŋ resmi saity mälım ettı.
«Qymbatty qazaqstandyqtar! Sızderdı Nauryz meiramymen şyn jürekten qūttyqtaimyn! Būl köktemgı merekenı halqymyz jaŋa jyldyŋ basy jäne tırşılık ataulynyŋ türlenetın kezı retınde qasterleidı. Nauryz adamdardyŋ boiynda eŋ jarqyn jäne igı tılekterınıŋ oryndaluyna ümıt ūialatyp, kemel keleşekke bastaidy. Ūrpaqtan ūrpaqqa jalǧasyp kele jatqan Nauryzdyŋ ejelgı dästürlerı adamǧa eŋ jaqsy sezımderdı syilap, ainalasyndaǧylarǧa meiırımdılıkpen köŋıl böluge, qonaqjailylyq tanytuǧa, özara kömek körsetuge, tabiǧatpen üilesım tauyp ömır süruge jeteleidı. Köktemnıŋ keluımen adamdar bır-bırıne eŋ ızgı tılekterın arnap, aǧaş otyrǧyzady, būlaqtardyŋ közın arşyp, qamqorlyq pen qoldaudy qajet etetın tırşılık ielerıne kömektesedı. Täuelsızdık alǧannan berı Nauryz meiramyn toilau beibıtşılıktı nyǧaituda jäne elımızdıŋ köpūltty halqynyŋ bırlıgın qamtamasyz etude erekşe maŋyzǧa ie boldy. Ol ūltyna, tılı men dınıne qaramastan, qazaqstandyqtardyŋ eŋ süiıktı merekelerınıŋ bırıne ainaldy. Barlyq qazaqstandyqtarǧa jaqsylyq, amandyq-saulyq pen ösıp-örkendeu tıleimın, är otbasynda quanyşty jäne jarqyn künder köp bolsyn! Äz Nauryz halqymyzǧa berekelı yrysyn, şuaq nūryn ala kelsın! Ūlystyŋ ūly künı qūtty bolsyn!»dedı Asqar Mamin."Adyrna" ūlttyq portaly
Ūqsas jaŋalyqtar
