Atyrau qalasynyŋ tūrǧyny Taiau Şyǧystaǧy kürdelı jaǧdai kezınde ūiymdastyrylǧan evakuasiia jūmystary üşın memleketke alǧys bıldırdı. Būl turaly ol Qazaqstan Respublikasynyŋ Syrtqy ıster ministrlıgıne joldaǧan ötınışınde atap ötken.
Onyŋ aituynşa, 28 aqpan künı Katar elınde demalyp jürgen ata-enesı elge uaqytyly orala almaǧan.
– Sol sätte qatty alaŋdadyq. Alysta jürgen jaqyndarymyz üşın bükıl otbasy bolyp uaiymdadyq. Äsırese, jaǧdai uşyǧyp, soǧys bastalyp ketse, elge qalai oralady degen oi bızdı qatty mazalady, – deidı ol.
Tūrǧynnyŋ sözınşe, jedel ūiymdastyrylǧan evakuasiianyŋ arqasynda jaqyndary aman-esen elge oralyp, otbasymen qaita qauyşqan.
– Katardaǧy Qazaqstan Elşılıgınıŋ qyzmetkerlerı täulık boiy bailanysta bolyp, otandastarǧa barlyq qajettı kömektı körsettı. Därı-därmekpen, auyzsumen qamtamasyz ettı. Mūndai qoldau bız üşın asa maŋyzdy boldy, – dedı ol.
Sondai-aq, ol Memleket basşysy Qasym-Jomart Toqaev jürgızıp otyrǧan saiasatty atap ötıp, evakuasiiaǧa qatysqan barlyq qūrylymdarǧa alǧys bıldırdı.
– Prezidentke, Prezident Äkımşılıgıne, Syrtqy ıster ministrlıgıne, şeteldegı diplomatiialyq ökıldıkter men äue kompaniialaryna ülken alǧysymdy bıldıremın. Osyndai sätte memleket öz azamattaryn eşqaşan nazardan tys qaldyrmaitynyna taǧy bır märte köz jetkızdık, – dedı atyraulyq.
Aita keteiık, Qazaqstan Taiau Şyǧys elderınen öz azamattaryn evakuasiialaudy tolyq aiaqtady. Syrtqy ıster ministrlıgınıŋ mälımetınşe, elge jalpy sany 10 275 qazaqstandyq qaitarylǧan.
