Elımızde Memleket basşysy Qasym-Jomart Toqaevtyŋ tapsyrmasymen jüzege asyp jatqan «Taza Qazaqstan» tūjyrymdamasy aiasynda «Möldır būlaq» ekologiialyq aksiiasy bastaldy. Aksiianyŋ ūiymdastyryluy Nauryznama onkündıgınıŋ «Tazaru künımen» tūspa-tūs keldı.
Şaranyŋ maqsaty – su közderın, būlaqtardy, özen-kölder men teŋız jaǧalaularyn qoqystan tazartu, jastardyŋ boiynda ekologiialyq mädeniettı qalyptastyru.
Būl igı bastamaǧa elımızdıŋ barlyq mektep oquşylary, kolledj studentterı men erıktı jastar qoldau bıldırude. Aksiia aiasynda būlaqtardyŋ közın aşu jäne abattandyru, jaǧalaulardy tūrmystyq qaldyqtardan tazartu, tabiǧatty aialauǧa baǧyttalǧan ekologiialyq şaralar ūiymdastyryluda.
Maŋǧystau oblysynyŋ studentterı de Kaspii teŋızınıŋ jaǧalauynda ötken aksiiaǧa atsalysty. Şaraǧa qatysuşylar qorşaǧan ortany taza ūstaudyŋ maŋyzdylyǧyn atap ötedı.
Aita keteiık, aldaǧy bır ai ışınde «Möldır būlaq» ekologiialyq aksiiasy elımızdıŋ basqa öŋırlerınde de jalǧasyn tabady.
