"Taza Qazaqstan" respublikalyq ekologiialyq aksiiasy aiasynda Öskemendegı sol jaǧalau etnogafiialyq keşenınde auqymdy tazalyq jūmystary jürgızıldı.
Aksiiaǧa qatysqan 300-den astam adam şaǧyn topqa bölınıp, ülken aumaqty qoqystan tazalady, etnoauyldaǧy üilerdıŋ aulasyn jinady, haiuanattar baǧy men äskeri tehnikalar tūrǧan alleiany retke keltırdı.
– Respublikalyq aksiia aiasynda muzei-qoryqtyŋ mamandary tügel senbılıkke şyǧyp, tazalyq jūmystaryn atqardy. 300-den astam adam etnogafiialyq keşennıŋ aumaǧyn tazalauǧa jūmyldy. Ainalamyzdy, qorşaǧan ortany taza ūstau özımızge de paidaly ärı jas ūrpaqqa ülgı, - dedı Şyǧys Qazaqstan oblystyq säulet-etnografikalyq jäne tabiǧi landşaftyq muzei-qoryǧy qazaq etnografiiasynyŋ meŋgeruşısı Daniiar Merǧaliev.
Qyzdar etnoauyldaǧy är ūlttyŋ üilerınıŋ esık-terezesın juyp, ışın jinasa, er azamattar auladaǧy qystan qalǧan qoqysty şyǧaryp, üidıŋ qorşauyn rettedı.
– Qazır bız Qazaqstan halqynyŋ tarihi qūndylyǧy bolyp sanalatyn säulet jäne tūrmystyq eskertkışterdıŋ ainalasyn tazalap jatyrmyz. Sodan keiın üilerdı retke keltıremız. Tarihqa qūrmet – maŋyzdy mındet. Būl senbılıkke mūrajai qyzmetkerlerı ǧana emes, basqa mekemelerdıŋ de jūmysşylary belsene qatysyp jatyr, – deidı oblystyq säulet-etnografikalyq jäne tabiǧi landşaftyq muzei-qoryǧynyŋ orys bölımınıŋ meŋgeruşısı Aleksandr Iаkovlev.
Aksiia barysynda belsendıler etnoauyldaǧy üilerdı tazalaumen qatar köşetter, sändık jäne bau-baqşalyq ösımdıkter egudı josparlap otyr.
– Būl - bai adamnyŋ üiı, G ärpınıŋ formasynda salynǧandyqtan «glagol» dep atalady. Qazır üidıŋ ışı-syrtyn tazalap, ışındgı eksponattardy dalaǧa jaiyp, keptırıp, jazda keluşılerdı qarsy aluǧa daiyndap jatyrmyz. Köktemde aulaǧa qyryqqabat, säbız, asqabaq, kartop siiaqty kökönıster egemız. Küzde jinalǧan önımdı haiuanattar baǧyna beremız. Sonymen qatar aulaǧa gülder egemız, - dedı Galina esımdı etnoauyldaǧy üilerdıŋ bırınıŋ qarauşysy
