Nauryznamanyŋ bır tarmaǧyna ainalǧan «Şaŋyraq künı» – otbasy qūndylyǧyn ūlyqtauǧa, ūrpaqtar sabaqtastyǧyn därıpteuge arnalǧan erekşe sät. Osy qūndylyqtardy nasihattau maqsatynda Astana qalasynyŋ Jastar saiasaty mäselelerı basqarmasy 17 nauryz künı «Köŋıldı start» otbasylyq estafetasyn ūiymdastyrdy.
Berekelı şaŋyraq ielerı bas qosqan baiqauǧa 40-qa juyq eloralyq jas otbasy qatysty. Olar ekı kezeŋnen tūratyn saiysta baq synap, finalda 15 üzdık top bäsekege tüstı. Sport dodasynyŋ alǧaşqy kezeŋınde klassikalyq ülgıdegı estafetalyq synaqtar äzırlense, ekınşı kezeŋde ūlttyq oiyndar oiynatyldy.
Saiys erejesıne säikes, jarysqa 35 jasqa deiıngı jūptar ǧana qabyldandy jäne komanda qūramy ekı adamnan (erlı-zaiypty) jasaqtaldy.
Jarys qorytyndysy boiynşa, I oryndy – Gabi Ahnazarov pen Topbasy Ūljalǧas, II oryndy – Viktor Grigorev pen Anastasiia Grigoreva, III oryn – Syrym Muhanbetjanov pen Anara Muhanbetjanova ielendı. Al 12 qatysuşy Alǧys hatqa iegerı atandy.
Estafeta jeŋımpazdary aqşalai syilyqtarmen marapattaldy: I orynǧa – 200 000 teŋge, II orynǧa – 150 000 teŋge, III orynǧa – 100 000 teŋge jäne şapşaŋdyq tanytqan otbasyǧa 20 000 teŋgeden syiaqy berıldı.
Sondai-aq estafeta qatysuşylaryn qoldauǧa kelgen janküierlerge arnaiy nominasiialar tabystaldy.
Aita keteiık, şaranyŋ qadırlı qonaǧy retınde Astana qalasynyŋ Jastar saiasaty mäselelerı basqarmasynyŋ basşysy İbraev Samat, Astana qalasy mäslihatynyŋ deputaty Nūrjan Sadyrbaev, «Äkeler odaǧy» RQB Astana qalasy filialynyŋ töraǧasy Bekdaiyr Küzembai, «Qazaqstan estetikalyq toptyq gimnastika federasiiasy» qoǧamdyq bırlestıgınıŋ prezidentı Madina Bektūrǧanova qatysty.
Sonymen qatar jiynda «Di Medical» medisinalyq ortalyǧy» JŞS direktory Klara Ömırzaqova, L.N.Gumilev atyndaǧy Euraziia ūlttyq universitetı Bılım joǧary mektebınıŋ direktory Somjürek Baubek, jurnalist Äselım Äbıldinova men «Euraziialyq bank» AQ filialynyŋ atqaruşy direktory Asiia Kuldybaeva töbe körsettı.
– Bügıngı estafeta – tek sporttyq jarys emes, dostyq pen bırlıktıŋ alaŋy. Äsırese jas otbasylardyŋ yntymaǧyn nyǧaitatyn maŋyzdy şara dep sanaimyn. Özderıŋızge mälım, Astana qalasy äkımdıgı qala jastaryn qoldauǧa jüielı köŋıl bölıp keledı. Mädeni şaralar, sporttyq saiystar, äleumettık jobalar ünemı nazarda.
Bügıngı saiys sol maŋyzdy baǧyttardyŋ jalǧasy ekenı anyq. Onyŋ üstıne estafetanyŋ Nauryznama onkündıgınıŋ «Şaŋyraq künıne» tūspa-tūs keluı eleulı sät ekenın aita ketu kerekpız. Bärıŋızdı kele jatqan Ūlystyŋ ūly künı – Nauryz merekesımen qūttyqtaimyn, – dedı Samat Sabyrūly.
