Qūlsary halqy älı de äkımdık aldynda talap-aryzyn aityp, tarqamai tūr. Äleumettık jelıde Atyrau oblysyna Prezident keledı degen aqparat tarady, dep habarlaidy "Adyrna" ūlttyq portaly.
Aqorda Prezident Qasym-Jomart Toqaevtyŋ Qūlsaryǧa sapary turaly eşqandai aqparat taratpady.
Memleket basşysy 18 mamyrda su basqan aimaqtarǧa qatysty premer-ministrdıŋ esebın tyŋdap, äkımdıkter qūqyq qorǧau organdarymen bırlesıp, zaŋǧa säikes qoǧamdyq tärtıptı qamtamasyz etuı kerek ekenın tapsyrǧan bolatyn.
Aqorda aqparatynşa, Memleket basşysy köktemgı tasqynnan zardap şekken tūrǧyndardy sapaly baspanamen qamtamasyz etuge, qalalar men eldı mekenderdegı infraqūrylymdardy jöndeuge jäne qūrylys jūmystaryna kırısuge qatysty tapsyrma berdı.
"Ükımet, äkımdıkter qūqyq qorǧau organdarymen bırlesıp, zaŋǧa säikes qoǧamdyq tärtıptı qamtamasyz etuı kerek", – dedı Toqaev.Toqaev Atyrau oblysynda tasqynnan qatty zardap şekken aumaqtardyŋ bırı Qūlsary qalasynda baspanasy tabiǧi apattan qiraǧan nemese bülıngen tūrǧyndar talap aityp jatqan şaqta mälımdeme jasady. Apta basynan berı üiın su basqan qūlsarylyqtar jergılıktı äkımdık aldyna jinalyp, ötemaqy talap etude. Jinalǧandardyŋ aitary ötemaqyny qolma-qol alu. Aşynǧan halyq su tasqynynan qūlaǧan üilerınıŋ ärbır şarşy metrı "400 myŋ teŋgeden baǧalanyp, aqşa qolǧa berılsın dep talap qoidy. Al jergılıktı bilık üidıŋ är şarşy metrı 200-240 myŋ teŋgeden baǧalaǧan.
Ūqsas jaŋalyqtar
