Deputat elımızdegı alǧaşqy krematoriidyŋ tolyqqandy jūmys ıstemei tūrǧanyn aitty, dep habarlaidy "Adyrna" ūlttyq portaly Tengrinews.kz-ke sıltep.
Mäjılıs deputaty Sergei Ponomarev Instagram paraqşasynda krematoriidıŋ ışkı körınısın jäne ornatylǧan qūrylǧylardy körsettı. Onyŋ aituynşa, nysanda Chehiiada jasalǧan, gazben jūmys ısteitın ekı peş ornatylǧan. Krematorii qūrylysyna 1,5 milliard teŋge jūmsalǧan, barlyq kommunikasiialar tolyq qosylǧan.
Deputattyŋ esebınşe, Almaty halqynyŋ sany aldaǧy jyldary 8 millionǧa deiın ösuı mümkın. Al qazırgı taŋda qaladaǧy 70 zirattyŋ 61-ı tolyp qalǧan. Sondyqtan krematoriidıŋ aşylu mäselesı öte özektı bolyp otyr.
Sonymen qatar, jaŋa nysanda biologiialyq, medisinalyq jäne infeksiialyq qaldyqtardy örteu mümkındıgı qarastyrylǧan.
Alaida, äzırge krematorii paidalanuǧa berılmei tūr. Mäjılısmennıŋ mälımdeuınşe, nysandy salǧan merdıger kompaniia ony uaqytşa öz qarauynda ūstap otyr. Sebebı nysandy teŋgerımge qabyldaityn mekeme älı anyqtalmaǧan.
Almaty qalalyq qūrylys basqarmasy būl mäselenı rastady.
«Ädılet jäne Densaulyq saqtau ministrlıkterınıŋ aqparatyna säikes, olar krematoriidı öz qūzyryna qabyldaudan bas tartty. Osyǧan bailanysty qala äkımdıgı zaŋ aiasynda balamaly şeşımderdı qarastyruda. Äzırge balans ūstauşy anyqtalǧan joq», – delıngen basqarma jauabynda.
Qazırgı uaqytta nysandy memlekettık ritualdyq qyzmet kombinatynyŋ teŋgerımıne beru mümkındıgı qarastyryluda. Deputattyŋ pıkırınşe, būl mäselenı ūzaqqa sozbai şeşu qajet, öitkenı megapolis qajettılıgı jyldan-jylǧa artyp keledı.
