Memleket basşysy Qasym-Jomart Toqaev Soltüstık Qazaqstan oblysynyŋ äkımın taǧaiyndady, dep habarlaidy "Adyrna" ūlttyq portaly.
- Memleket basşysynyŋ Jarlyǧymen Ǧauez Torsanūly Nūrmūhambetov Soltüstık Qazaqstan oblysynyŋ äkımı lauazymyna taǧaiyndaldy, dep habarlaidy "Aqorda".
Ǧauez Nūrmūhambetov 1968 jyldyŋ 11 şıldesınde Qostanai oblysy Qarasu audanynyŋ Maiskii auylynda düniege kelgen.
1992 jyly Selinograd auyl şaruaşylyǧy institutyn "ǧalym agronom" mamandyǧy boiynşa, 2002 jyly Cheliabı memlekettık universitetın "zaŋger" mamandyǧy boiynşa, 2008 jyly Qostanai injenerlık-ekonomikalyq universitetın "ekonomika bakalavry" mamandyǧy boiynşa bılım alǧan. Ekonomika ǧylymdarynyŋ kandidaty.
Ǧauez Torsanūly özınıŋ eŋbek jolyn 1985 jyly Qostanai oblysy Komsomol audany "Magnaiskii" sovhozynyŋ № 1 brigadasynyŋ mehanizatory bolyp bastady.
1992-1994 jyldary – Torǧai oblysy Oktiabrsii audany Viliams atyndaǧy sovhozdyŋ bas agronomy.
1994-1996 jyldary – Qostanai oblysy Qostanai audany "Moskovskii" sovhozynyŋ bas agronomy.
1996-1997 jyldary – Qostanai oblysy Komsomolskii audany "Boskolskoe" KK direktory.
1997-2002 jyldary – Qostanai oblysy Taran audanynyŋ äkımı.
2002-2008 jyldary – Qostanai oblysy Qarabalyq audanynyŋ äkımı.
2008-2009 jyldary – Qostanai oblysy Qostanai qalasynyŋ äkımı.
2009 jyldan 2011 jylǧa deiın – Qostanai qalasy "Sodrujestvo" JŞS bas direktorynyŋ orynbasary.
2011-2012 jyldary – Qostanai oblysy Äulieköl audanynyŋ äkımı.
2012 jyldan 2014 jylǧa deiın – Qostanai qalasynyŋ äkımı.
2014 jyldan 2015 jylǧa deiın – Qazaqstan Respublikasy prezidentı äkımşılıgınıŋ memlekettık baqylau jäne ūiymdastyru-aumaqtyq jūmys bölımınıŋ memlekettık inspektory.
2015 jyldan 2023 jylǧa deiın – Qostanai oblysy äkımınıŋ bırınşı orynbasary.
2023 jyldyŋ 25 qaŋtarynan bastap – Qazaqstan Respublikasy parlamentı senatynyŋ deputaty. Ekonomikalyq saiasat, innovasiialyq damu jäne käsıpkerlık komitetınıŋ müşesı.
Eske sala keteiık, 2023 jyldyŋ 4 qyrküiegınde oblystyŋ būrynǧy äkımı Aidarbek Saparov auyl şaruaşylyǧy ministrı lauazymyna taǧaiyndaldy.
"Adyrna" ūlttyq portaly
Ūqsas jaŋalyqtar
