Nur-Sultanda Kenje qyzy qaıtys bolǵannan keıin áıelge úlken qyzyn tárbıeleýge tyıym salyndy. Bul týraly Nur-Sultan qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń baspasóz qyzmeti málimdedi, dep habarlaıdy “Adyrna” ulttyq portaly.
Málimet boıynsha, áıeldiń eki balasy bolǵan. Kishi qyzyn ruqsat qujattarynsyz úıde jumys isteıtin jeke menshik balabaqshaǵa táýlik boıyna tapsyrǵan. Balabaqshaǵa aqy tólemegen, qyzyna bir aıdan astam ýaqyt kelmegen. Úlken qyzy ájesiniń baqylaýynda bolǵan.
Osylaısha, anasy bala tárbıesinen shettetilgen.
"2022 jyly sáýirde jeke úıdegi balabaqshada bolǵan kishi qyzy kóz jumdy. Qylmystyq is qozǵalyp, tergeý júrgizilýde. Balanyń denesinde kóptegen dene jaraqaty bolǵan", – dep atap ótti sotta.
Barlyq jaǵdaıdy eskere otyryp, sot sheshimimen áıel úlken qyzyna qatysty ata-ana quqyǵynan shettetildi. Balanyń bolashaq taǵdyryn anyqtaý úshin úlken qyzy Nur-Sultan qalasynyń bilim basqarmasyna berildi. Anasynan alıment óndirip alyndy.
”Adyrna” ulttyq portaly
