Almatyda “nauqas” balanyŋ emıne aqşa jinaǧan ekı qyz ūsaldy. Būl turaly Polisia.kz jariialady, dep habarlaidy “Adyrna” ūlttyq portaly.
22 jäne 23 jastaǧy qyzdar äleumettık jelı arqyly alaiaqtyq jasady degen küdıkpen ūstaldy. Barlyǧy belgılı bloger, aktrisa Dariia Aleksandrovanyŋ alaiaqtyq turaly Äuezov audandyq polisiiasyna aryzdanuynan bastaldy.
Onyŋ aituynşa, ekı boijetken nauqas balaǧa kömek sūrai otyryp, qoldan jasalǧan qūjattardy paidalanyp, paraqşasyna post jariialauǧa köndırgen. Blogerdıŋ ülken auditoriiasy janaşyrlyq tanytyp, kömekke şaqyrudy nazardan tys qaldyrmai, belsendı türde qarajat audara bastady.
"Qabyldanǧan şaralardyŋ qorytyndysy boiynşa osy qylmysqa küdıktıler anyqtaldy jäne ūstaldy. Olar Aqmola oblysynyŋ tūrǧyndary. Alǧaşqy jauap aluda qyzdar öz ıs-äreketterın moiyndady. Atalǧan derek boiynşa tergeu amaldary jürgızılude", – dedı Äuezov audandyq polisiia basqarmasyna qarasty polisiia bölımı bastyǧynyŋ orynbasary Timur Mulinov.
Küdıktılerdıŋ bırı sportşy, taekvandomen ainalysqan. Būryn onyŋ zaŋmen mäselelerı bolǧan jäne ūrlyq üşın jauapqa tartylǧan. Onyŋ qūrbysy S.esımdı azamatşa – manikiur jasau şeberı. Qazır tergeuşıler būl derekten basqa da epizodtar bar-joǧyn anyqtap jatyr.
”Adyrna” ūlttyq portaly
