İran bilıgı Ormuz būǧazyn japqany turaly taraǧan aqparatty taǧy da joqqa şyǧardy, dep habarlaidy "Adyrna" ūlttyq portaly Sinhua agenttıgıne sıltep.
İran islam revoliusiiasy saqşylar korpusynyŋ joǧary lauazymdy ofiserınıŋ aituynşa, keibır aqparat qūraldary İran strategiialyq maŋyzy bar Ormuz būǧazyn tolyq japty degen mälımet taratqan. Alaida būl aqparat şyndyqqa säikes kelmeidı.
«Keibıreuler bızdı būǧazdy japty dep aiyptauda, bıraq ıs jüzınde İran būl su jolyn japqan joq», – dedı ofiser memlekettık telearnaǧa bergen sūhbatynda.
Onyŋ aituynşa, İran būl aimaqtaǧy teŋız qatynasyn halyqaralyq erejelerıne säikes jüzege asyrady.
İrannyŋ memlekettık telearnasy äskeri derekközge sılteme jasap, Ormuz būǧazy aşyq ekenın habarlady. Degenmen AQŞ nemese İzrailge tiesılı kez kelgen keme äskeri nysana retınde qarastyryluy mümkın ekenın eskerttı.
Sonymen qatar İran syrtqy ıster ministrınıŋ orynbasary Said Hatibzade Niu-Deli qalasynda ötken halyqaralyq konferensiiada Tegeran būǧazdy jappaǧanyn jäne jaqyn uaqytta mūndai jospar joq ekenın mälımdedı.
«Eger İran būǧazdy jabu turaly şeşım qabyldasa, būl jönınde resmi türde habarlaidy», – dedı ol.
