İran Kiprdıŋ oŋtüstıgındegı britandyq jäne amerikalyq äskeri bazalarǧa soqqy jasady. Būl turaly 1 nauryzda Ūlybritaniianyŋ qorǧanys ministrı Djon Hili mälımdedı, dep habarlaidy «Adyrna» tılşısı The Independent basylymyna sılteme jasap.
«Olardyŋ Kiprdı tıkelei nysanaǧa almaǧanyna senımdımız. Degenmen, būl – bızdıŋ bazalarymyz, äskeri qyzmetkerlerımız ben beibıt tūrǧyndarymyz qazırgı uaqytta qauıp aimaǧynda tūrǧanyn körsetedı»,- dedı ministr.
Hili sondai-aq İran äskerınıŋ Bahreindegı bazaǧa jasaǧan soqqysy kezınde britandyq äskeri qyzmetkerlerdıŋ de atqylauǧa tap bolǧanyn aitty. Onyŋ sözınşe, şabuyl drondar men zymyrandardy qoldanu arqyly jasalǧan, al baza aumaǧynda şamamen 300 äskeri qyzmetker bolǧan.
«Olardyŋ keibırı soqqy tüsken jerden bırneşe jüz metr qaşyqtyqta bolǧan»,- dep atap öttı ministr.
ISNA agenttıgı İrannyŋ Taiau Şyǧystaǧy amerikalyq nysandarǧa soqqy beru üşın alǧaş ret «Fattah-2» giperdybystyq qanatty zymyrandaryn qoldanǧanyn habarlady.
Öz kezegınde İslam Respublikasynyŋ armiia bas qolbasşysy Amir Hatami AQŞ pen İzrail tarapynan jasalǧan şabuylǧa toitarys beru üşın İran qaruly küşterınıŋ barlyq türı paidalanylǧanyn mälımdedı. Ol irandyq äskeri qyzmetkerlerdıŋ elın qorǧauǧa jäne qarsylastyŋ barlyq josparyn būzuǧa tolyqtai bel buǧanyna senım bıldırdı.
Al The Times of Israel basylymynyŋ jazuynşa, 28 aqpannan berı İzrail äskeri-äue küşterı İran aumaǧyndaǧy türlı nysandarǧa 1,2 myŋnan astam oq-därı tastaǧan. SAHAL mälımetınşe, soqqylar İrannyŋ jüzdegen äskeri nysanyn, sonyŋ ışınde ballistikalyq zymyran qondyrǧylary men äue qorǧanysy jüielerın joiǧan.
