15 nauryz künı «Ädılettı jäne progressivtı Qazaqstannyŋ halyqtyq Konstitusiiasy üşın!» Jalpyūlttyq koalisiiasynyŋ müşelerı Qazaqstan Respublikasy Ūlttyq ūlanynyŋ 5573 äskeri bölımınde kezdesu ötkızdı. Būl äskeri bölım qoǧamdyq tärtıptı qamtamasyz etuge, maŋyzdy memlekettık nysandardy küzetuge jäne tötenşe jaǧdailar kezınde qauıpsızdıktı saqtauǧa jauap beredı. Is-şaraǧa 1200-den astam sarbaz ben äskeri qyzmetşı qatysty.
Kezdesuge merzımdı äskeri qyzmet sarbazdary, serjanttar, ofiserler jäne bölımnıŋ basşylyq qūramy qatysty. Is-şara barysynda jaŋa Konstitusiia jobasynyŋ negızgı qaǧidalary tanystyrylyp, onyŋ memlekettık basqarudy jetıldıru, azamattardyŋ qūqyqtary men bostandyqtaryn qorǧau, sondai-aq eldıŋ tūraqty damuyn qamtamasyz etuge baǧyttalǧan normalary keŋınen tüsındırıldı. Qūjatta memleket pen qoǧam arasyndaǧy özara jauapkerşılık qaǧidalary aiqyndalyp, basqaru tiımdılıgın arttyru men ūlttyq qūndylyqtardy nyǧaituǧa erekşe nazar audarylǧany atap ötıldı.
«Jaŋa Konstitusiia jobasy qoǧamnyŋ ädıldıkke degen sūranysyna jauap beredı. Qūjatta 11 bölım men 96 bap qarastyrylyp, memleket adamǧa qyzmet etuı tiıs degen negızgı qaǧida bekıtılgen. Sonymen qatar Prezident Qasym-Jomart Toqaevtyŋ Parlamenttı «Qūryltai» dep atau bastamasy tarihi sabaqtastyqty nyǧaituǧa baǧyttalǧan. Būl joba halyq üşın jasalǧan maŋyzdy qūjat», – dedı QR Parlamentı Mäjılısınıŋ deputaty Däulet Tūrlyhanov.
«Konstitusiia qabyldanǧannan berı oǧan köptegen özgerıs engızılgenın atap öttı. Qūjattyŋ köptegen baptary bırneşe ret qaita qaralǧandyqtan, qazırgı zaman talaptaryna jauap beretın Negızgı zaŋnyŋ jaŋa redaksiiasyn äzırleu qajettılıgı tuyndaǧan. Jaŋa joba sifrlandyrudy damytu, jasandy intellekt instituttaryn qalyptastyru, sondai-aq Qūryltai men Qazaqstan halqy keŋesı siiaqty jaŋa instituttardy engızudı közdeidı»,- dep öz pıkırın, Astana qalasy mäslihatynyŋ deputaty Kendebai Adambek bıldırdı. 
Kezdesu barysynda äskeri qyzmetşıler de Konstitusiialyq özgerısterdıŋ maŋyzy turaly öz pıkırlerın bıldırdı. Olar eldıŋ tūraqty damuy men qauıpsızdıgın qamtamasyz etude zaŋ üstemdıgı men tiımdı memlekettık basqarudyŋ rölı erekşe ekenın atap öttı.
«Äsker – el tynyştyǧynyŋ tıregı. Bız üşın Otanǧa adal qyzmet etu – eŋ ülken mındet. Ärbır jauynger öz boryşyn abyroimen atqarsa, el qauıpsızdıgı de berık bolady. Al referendumǧa qatysu – är azamattyŋ el bolaşaǧyna degen jauapkerşılıgı», – dep atap öttı kezdesuge qatysqan äskeri jauyngerler.
Kezdesu qorytyndysynda jaŋa Konstitusiia jobasy memlekettılıktı nyǧaituǧa, basqaru jüiesınıŋ tiımdılıgın arttyruǧa jäne azamattardyŋ qūqyqtaryn qorǧauǧa baǧyttalǧany atap ötıldı. Būl özgerıster Qazaqstannyŋ tūraqty damuyna jäne ūlttyq qauıpsızdıktı qamtamasyz etuge berık institusionaldyq negız qalyptastyrady.
