«Rosatom» İrandaǧy Buşer atom elektr stansiiasyndaǧy qūrylys jūmystaryn toqtatty. Būl turaly korporasiia basşysy Aleksei Lihachev mälımdedı, dep habarlaidy «Adyrna» tılşısı BBC-ge sılteme jasap.
Aituynşa, şeşımge Taiau Şyǧystaǧy qaqtyǧystar sebep bolǧan.
«Ärine, İrandaǧy nysanda jūmys toqtatyldy. Bız qyzmetkerlerımızdıŋ eldı mekenderden şyqpauyn jäne qūrylysqa qatysty aşyq alaŋdarda sirek boluyn qataŋ baqylaimyz», – dedı Lihachev.
Ol äskeri qaqtyǧystarǧa bailanysty jaǧdaidy boljau qiyn ekenın, bıraq jaŋa energobloktardy ıske qosuǧa küş salatyndaryn atap öttı.
«Bız İran halqy men ükımetı aldyndaǧy jauapkerşılıgımızdı jaqsy tüsınemız»,-dedı basşy.
Lihachev İran atom önerkäsıbınıŋ basşylyǧymen bailanys üzılgenın jetkızdı. Aituynşa, qazırgı taŋda Buşer AES-ıne qauıp bar.
«Stansiianyŋ fizikalyq qorǧanys syzyǧynan bırneşe kilometr qaşyqtyqta jarylystar estıledı. Olar stansiiaǧa baǧyttalmaǧan, äskeri nysandarǧa baǧyttalǧan, bıraq qauıp aiqyn türde artuda»,- dedı ol.
Lihachev AES tūtastyǧynyŋ būzyluy ülken aumaqtardyŋ lastanuyna äkeluı mümkın ekenın aitty.
